Author: maharashtrabreakingnews.com

सचिन साठे सोशल फाउंडेशनच्या मोफत आरोग्य तपासणी शिबिरास उत्स्फूर्त प्रतिसाद पिंपरी , (महाराष्ट्र ब्रेकिंग न्यूज) – पिंपळे निलख, गणेशनगर येथील सचिन साठे सोशल फाउंडेशनच्या वतीने दरवर्षी प्रमाणे यंदाही अक्कलकोट स्वामी समर्थांच्या प्रकटन दिनानिमित्त विविध धार्मिक कार्यक्रमांचे आयोजन करण्यात आले होते, अशी माहिती सचिन साठे यांनी दिली. स्वामी समर्थांच्या प्रकट दिनानिमित्त आठवडाभर भजन सप्ताहाचे आयोजन केले होते. यानिमित्त पंचक्रोशीतील विविध भजनी मंडळांनी उपस्थित राहून भजन सेवा केली. तसेच बुधवारी स्वामी समर्थांच्या प्रकटन दिना पहाटे श्रींना महाअभिषेक, त्यानंतर होम हवन करण्यात आले. संध्याकाळी स्वामी समर्थांच्या पालखीची परिसरातून ग्रामप्रदक्षिणा सोहळा उत्साहात संपन्न झाला. यावेळी पिंपळे निलख पंचक्रोशीतील हजारो नागरिक सहभागी झाले होते,…

पिंपरी, (महाराष्ट्र ब्रेकिंग न्यूज) – “आम्ही १३ मे रोजी होणाऱ्या मावळ लोकसभा मतदारसंघाच्या निवडणुकीसाठी उत्सुक असून या निवडणुकीत प्रथमच मतदान करणार असल्याने हा क्षण ऐतिहासिक होण्यासाठी प्रयत्न करीत आहोत त्यासाठी जास्तीत जास्त मित्र परिवारात,नातेवाईकांत मतदानाचा प्रचार करून आम्ही आमचे राष्ट्रीय कर्तव्य पार पाडू असा विश्वास निगडी येथील मैत्री ग्रुपच्या नवोदित पन्नासहून अधिक महाविद्यालयीन नवोदीत मतदारांनी व्यक्त केला. आकुर्डी,प्राधिकरण व परिसरातील म्हाळसाकांत कॉलेज, प्रा.रामकृष्ण मोरे कॉलेज,डॉ. डी वाय पाटील कॉलेज या महाविद्यालय विद्यार्थ्यां-विद्यार्थीनींचा स्नेह मेळावा सेक्टर २६ मधील एका हॉटेलमध्ये संपन्न झाला,त्यावेळी २०६ पिंपरी विधानसभा कार्यालयाचे नोडल अधिकारी विजय भोजने,मुकेश कोळप,प्रफुल्ल पुराणिक तसेच राजेंद्र कांगुडे, दिनेश जगताप, महालिंग मुळे आदी सहका-यांनी…

आळंदी ( महाराष्ट्र ब्रेकिंग न्यूज )  – येथील श्री आवेकर भावे रामचंद्र संस्थान ट्रस्ट संस्थापिका कै. चंद्रभागाबाई आवेकर यांनी इंद्रायणी किनाऱ्यावर श्री राम मंदिर सन १८४० मध्ये लक्षवेधी बांधले. श्रीराम मंदिरात श्रींचा जन्मोत्सव १८४ वे वर्ष साजरे करीत आहे. या निमित्त मंदिरात लक्षवेधी विद्युत रोषणाई आणि पुष्प सजावट करण्यात आली आहे. आळंदी पंचक्रोशीतील भाविकांनी श्रीराम नवमी उत्सवाचे कार्यक्रमात सहभागी व्हावे असे आवाहन आवेकर भावे रामचंद्र संस्थान चे वतीने करण्यात आले आहे. श्री राम मंदिरात राम नवमी निमित्त १७ एप्रिल पर्यंत विविध धार्मिक कार्यक्रमांचे परंपरेने उत्साहात आयोजन करण्यात आले आहे. विविध धार्मिक कार्यकमांत संगीत, नृत्य, भजन, नारदीय कीर्तन ९ ते…

पिंपरी, (महाराष्ट्र ब्रेकिंग न्यूज) – पिंपरी चिंचवड ॲडव्होकेट्स असोसिएशनच्या वतीने क्रांतीसुर्य महात्मा ज्योतिबा फुले यांची जयंती साजरी क्रांतीसुर्य महात्मा ज्योतिबा फुले यांची 197 वी जयंती नेहरूनगर येथिल कोर्टात साजरी करण्यात आली. या वेळी पिंपरी न्यायालयाचे न्यायाधीश  ए.एम.बगे , माजी अध्यक्ष ॲड.नाना रसाळ, अध्यक्ष ॲड.प्रमिला गाडे यांचे हस्ते पुष्पहार अर्पण करण्यात आले. न्यायालयाच्या सरकारी अभियोक्ता साधना बोरकर, मा.अध्यक्ष ॲड.सुनील कडुस्कर, उपाध्यक्ष ॲड.गोरख कुंभार, ॲड.नितीन कांबळे, ॲड.संभाजी वाघमारे, ॲड.सुनील माने, ॲड.उमेश गवळी, यांनी महात्मा ज्योतिबा फुले यांच्या जीवनप्रवासावर कथन करून विनम्र अभिवादन करण्यात आले. यावेळी ॲड. बी. के.कांबळे, ॲड.नितीन कांबळे, ॲड‌.सागर अडागळे , ॲड.प्रशांत भडकुंभे, ॲड.प्रविण जगताप,ॲड.विजय फडतरे, ॲड.उमेश गवळी, असोसिएशन चे…

पिंपरी (महाराष्ट्र ब्रेकिंग न्यूज) – “विद्येविना मती गेली, मतीविना नीती गेली, नीतिविना गती गेली, गतिविना वित्त गेले, वित्ताविना शूद्र खचले इतके अनर्थ एका अविद्येने केले..!!” असे सामाजिक प्रबोधन करून भारतात स्त्रीशिक्षणाची मुहूर्तमेढ करणारे सत्यशोधक महात्मा जोतिबा फुले यांना जयंतीनिमित्त पिंपरी – चिंचवड ॲडव्होकेटस् बार असोसिएशनच्या वतीने गुरुवार, दिनांक ११ एप्रिल २०२४ रोजी पिंपरी न्यायालय, नेहरूनगर, पिंपरी येथे पुष्पहार अर्पण करीत त्रिवार अभिवादन करण्यात आले. यावेळी पिंपरी – चिंचवड ॲडव्होकेटस् बार असोसिएशनचे विद्यमान सचिव ॲड. धनंजय कोकणे, सहसचिव ॲड. उमेश खंदारे, ॲड. अमित गायकवाड, ॲड. राजेश रणपिसे, ॲड. सर्वेश निकम आणि इतर वकील बांधव उपस्थित होते.

*प्रेस नोट……* *शाहू वाचनालयाच्या वतीने महात्मा फुले यांना अभिवादन…* शाहूनगर ,(महाराष्ट्र ब्रेकिंग न्यूज) –  शाहूनगर (चिंचवड) येथील श्री. शाहू वाचनालयाच्या वतीने क्रांतीसुर्य महात्मा फुले यांच्या जयंतीच्या निमित्ताने अभिवादन करण्यात आले. या प्रसंगी महात्मा फुले यांच्या प्रतिमेचे पूजन करून पुष्पहार अर्पण करण्यात आला. यावेळी महात्मा फुले यांनी समाजोद्धारासाठी केलेल्या कार्याचा आढावा उपस्थित वक्त्यांनी घेतला. वाचनालयाचे अध्यक्ष बालकिशन मुत्याल, उपाध्यक्ष राजेंद्र घावटे, सचिव राजाराम वंजारी, खजिनदार राजेंद्र पगारे आदिंची प्रमुख उपस्थिती होती. वाचनालयाचे संचालक आणि वाचक वर्ग उपस्थित होता. संयोजन ग्रंथपाल अनिता पाटील, सहाय्यक प्राजक्ता पवार आणि रवींद्र अडसूळ यांनी केले.

क्रांतिसूर्य महात्मा ज्योतिबा फुलेंना उमेदवार वाघेरे पाटलांकडून विनम्र अभिवादन ! पिंपरी, (महाराष्ट्र ब्रेकिंग न्यूज) – सामाजिक सुधारणा आणि समतेचा विचार रुजविणारे क्रांतिसूर्य महात्मा ज्योतिराव फुले त्याग, आदर्श, साहस ह्यांचे मूर्तिमंत उदाहरण आहेत, असे प्रतिपादन मावळ लोकसभेचे शिवसेना (उद्धव बाळासाहेब ठाकरे) पक्षाचे अधिकृत उमेदवार संजोग वाघेरे पाटील यांनी केले. थोर समाजसुधारक क्रांतिसूर्य महात्मा जोतीराव फुले यांच्या जयंतीनिमित्त मावळ लोकसभा शिवसेना (उद्धव बाळासाहेब ठाकरे) पक्षाचे अधिकृत उमेदवार संजोग वाघेरे पाटील यांनी पिंपरीतील क्रांतिसूर्य महात्मा जोतीराव फुले यांच्या पुतळ्यास पुष्पहार अर्पण करून अभिवादन केले. यावेळी शिवसेना (उद्धव बाळासाहेब ठाकरे) पक्षाचे उमेदवार संजोग वाघेरे पाटील, पिंपरी चिंचवड महापालिकेच्या माजी नगरसेविका सुलक्षणा शीलवंत-धर, इंजि. देवेंद्र…

पनवेल, (महाराष्ट्र ब्रेकिंग न्यूज) – पनवेल तालुक्यातील चिखले या गावातील ग्रामस्थांनी मावळ लोकसभा मतदारसंघातील शिवसेना-भाजप-राष्ट्रवादी- आरपीआय- रासप मित्रपक्ष महायुतीचे उमेदवार खासदार श्रीरंग बारणे यांना आज एकमुखी पाठिंबा जाहीर केला. खासदार बारणे यांनी दुपारी चिखले गावात भेट दिली. त्यावेळी ग्रामस्थांनी फटाके वाजवून त्यांचे स्वागत केले. त्यानंतर गावातील विठ्ठल-रुक्मिणी मंदिरात झालेल्या कार्यक्रमात ग्रामस्थांच्या वतीने बारणे यांना एकमुखी पाठिंबा जाहीर करण्यात आला. चिखले गावच्या सर्वांगीण विकासासाठी यापुढेही आपले भरीव योगदान राहील, अशी ग्वाही खासदार बारणे यांनी यावेळी दिली. गाव एकत्र आला की, इतिहास घडू शकतो. ग्रामस्थांनी गावातील ही ऐक्याची भावना अबाधित ठेवावी, अशी अपेक्षा त्यांनी व्यक्त केली. कार्यक्रमाला महिलांची संख्या मोठी असून…

लोणावळा, (महाराष्ट्र ब्रेकिंग न्यूज) – ही निवडणूक देशाच्या सुरक्षिततेच्या दृष्टीने अत्यंत महत्त्वाची निवडणूक आहे. नरेंद्र मोदी यांना अभूतपूर्व मताधिक्याने पंतप्रधान करण्यासाठी प्रत्येक जागा महत्त्वाची आहे. त्यामुळे महायुतीच्या सर्व पदाधिकारी व कार्यकर्त्यांनी हेवे-दावे, मतभेद बाजूला ठेवून मावळ लोकसभा मतदारसंघातून महायुतीचे उमेदवार खासदार श्रीरंग बारणे यांना तीन लाखांहून अधिक मताधिक्याने निवडून आणलेच पाहिजे, असे आग्रही प्रतिपादन उत्तर प्रदेशचे माजी उपमुख्यमंत्री व महाराष्ट्र भाजपाचे प्रभारी डॉ. दिनेश शर्मा यांनी केले. मावळ लोकसभा मतदारसंघातील शिवसेना-भाजप-राष्ट्रवादी- आरपीआय- रासप मित्रपक्ष महायुतीचे उमेदवार खासदार श्रीरंग बारणे यांच्या प्रचाराचा आढावा घेण्यासाठी दिनेश शर्मा यांनी लोणावळ्यातील चंद्रलोक हॉटेलमध्ये महायुतीच्या घटक पक्षांच्या पदाधिकाऱ्यांची बैठक घेतली. त्यावेळी ते बोलत होते.‌…

पिंपरी,(महाराष्ट्र ब्रेकिंग न्यूज) डॉ. डी. वाय पाटील (अभिमत) विद्यापीठ, पिंपरी, पुणे येथे 15 वा पदवीप्रदान समारंभ या कार्यक्रमाला भारताचे माजी राष्ट्र्पती मा. रामनाथ कोविंद प्रमुख पाहुणे म्हणून उपस्थित राहणार आहेत. पिंपरी येथील विद्यापीठाच्या सभागृहात शनिवार, दि. 13 एप्रिल 2024 रोजी, सकाळी 11:00 वाजता हा समारंभ होणार आहे. या कार्यक्रमात  सोमनाथ एस. अध्यक्ष – भारतीय अंतराळ संशोधन संस्था (इस्रो), बेंगळुरू यांना त्यांच्या अवकाश संशोधन क्षेत्रातील उल्लेखनीय कार्यासाठी आणि सिम्बायोसिसचे संस्थापक अध्यक्ष तसेच सिम्बायोसिस इंटरनॅशनल अभिमत विद्यापीठाचे कुलपती – प्रा. डॉ. एस.बी. मुजुमदार यांना शैक्षणिक क्षेत्रातील उत्कृष्ठ योगदानाबद्दल मानद डॉक्टर ऑफ सायन्स या पदवी प्रदान करण्यात येणार आहेत. या समारंभात विद्यापीठाच्या विविध…