समीर कुलकर्णी यांची चिंचवडमध्ये मंगळवारी जाहीर मुलाखत

चिंचवड,(महाराष्ट्र ब्रेकिंग न्यूज)-मालेगाव बॉम्बस्फोट प्रकरणातील सर्व हिंदुत्ववादी कार्यकर्त्यांची माननीय न्यायालयामार्फत निर्दोष मुक्तता झाल्यानंतर या खटल्यामागील तथाकथित “भगवा आतंकवाद” ही संकल्पना पुन्हा एकदा जनतेसमोर चर्चेचा विषय बनली आहे. या पार्श्वभूमीवर चिंचवड येथील रामकृष्ण मोरे नाट्यगृहात मंगळवार, दि. १२ ऑगस्ट रोजी सायंकाळी ५ वाजता एका विशेष प्रकट मुलाखतीचे आयोजन करण्यात आले आहे.

या मुलाखतीत मालेगाव खटल्यातील आरोपातून मुक्त झालेले समीर कुलकर्णी सहभागी होणार असून, ज्येष्ठ पत्रकार आणि अ‍ॅनेलायझर न्यूजचे संपादक सुशील कुलकर्णी तसेच इतिहास संशोधक डॉ. श्रमिक गोजमगुंडे त्यांची मुलाखत घेणार आहेत.

कार्यक्रमात समीर कुलकर्णी आपल्या दीर्घ तुरुंगवासातील अनुभव, खटल्यामागील राजकीय आणि सामाजिक षड्यंत्र, आणि भगव्याला आतंकवादाचे रूप देण्याच्या प्रयत्नांचा सखोल उहापोह करणार आहेत. “भगवा म्हणजे त्याग, शौर्य आणि भारतीय संस्कृतीचं प्रतीक आहे, त्याला आतंकवादाशी जोडणं हे एक गंभीर षड्यंत्र होतं,” असं आयोजकांकडून सांगण्यात आलं.

या ऐतिहासिक आणि विचारप्रवर्तक संवादासाठी सकल हिंदू समाज, पिंपरी-चिंचवड यांच्या वतीने सर्व नागरिकांना मोठ्या संख्येने उपस्थित राहण्याचे आवाहन करण्यात आले आहे