Author: maharashtrabreakingnews.com
पिंपरी, (महाराष्ट्र ब्रेकिंग न्यूज) – पिंपरी-चिंचवड महापालिका निवडणुकीच्या आरक्षण सोडतीनंतर शहरात खऱ्या अर्थाने डिजिटल निवडणुकीची सरगर्मी वाढली आहे. इच्छुकांनी प्रत्यक्ष मैदानात उतरण्याआधीच सोशल मीडियावर आपला ‘दबदबा’ दाखवण्यास सुरुवात केली असून, फेसबुक-इंस्टाग्रामवर “मीच भावी नगरसेवक”, “यंदा माझा नंबर पक्का”, “जनतेच्या मनातील उमेदवार” अशा धडाकेबाज पोस्टचा महापूर पाहायला मिळतो आहे. आरक्षणामुळे प्रभागांचे चित्र स्पष्ट होताच अनेकांनी आपापले ‘सेफ’ प्रभाग ठरवून तयारी सुरू केली आहे. अनेक वर्षे शांत बसलेले किंवा सार्वजनिक कार्यक्रमांमध्येही क्वचितच दिसणारे काही आजी-माजी पदाधिकारी अचानक सोशल मीडियावर सक्रिय झाले आहेत. त्यांच्या ‘कमबॅक’ पोस्टने पाठीराख्यांचा उत्साहही एकदम शिगेला पोहोचला आहे. नागरिकांच्या दारोदारी पोहोचण्याऐवजी एकाचवेळी हजारोंपर्यंत पोहोचणारे सोशल मीडिया हे…
डॉ बाबा कांबळे यांच्या नेतृत्वाखालील संघर्ष फलदायी ठरला आहे, याचा कष्ट करणे आनंद व्यक्त केला पिंपरी, (महाराष्ट्र ब्रेकिंग न्यूज) – मोरवाडी (पिंपरी-चिंचवड) येथे महानगरपालिकेच्या वतीने अशास्त्रीय व चुकीच्या पद्धतीने टाकण्यात आलेले डिव्हायडर व अतिविस्तारीत फूटपाथ यामुळे रस्त्याचा गळा आवळला गेला होता. यामुळे वाहतूक कोंडी, रिक्षा चालक व फेरीवाल्यांना प्रचंड त्रास, तसेच सर्वसामान्य नागरिकांना चालण्यास अडथळा निर्माण झाला होता. या भ्रष्टाचाराच्या कुरणावर बोट ठेवत डॉ. बाबा कांबळे यांच्या नेतृत्वाखाली कष्टकरी जनता आघाडी, महाराष्ट्र रिक्षा पंचायत, ऑटो टॅक्सी ट्रान्सपोर्ट फेडरेशन ऑफ इंडिया यांच्या वतीने महानगरपालिकेवर मोर्चा काढण्यात आला होता. या आंदोलनाची तात्काळ दखल घेत पिंपरी-चिंचवड महानगरपालिका प्रशासनाने दिनांक १२ नोव्हेंबर २०२५…
पिंपरी, (महाराष्ट्र ब्रेकिंग न्यूज) – ताथवडे-पुनावळे परिसर पुन्हा एकदा क्रिकेटच्या उत्साहाने रंगणार आहे! ताथवडे पुनावळे सोसायटी प्रीमियर लीग २०२५ (TPL 2025) या बहुप्रतिक्षित क्रिकेट स्पर्धेला रहिवाशांकडून उत्स्फूर्त प्रतिसाद मिळत असून, तब्बल ८२ संघांची नोंदणी पूर्ण झाली आहे. विशेष म्हणजे, यापैकी १२ महिला संघ आणि ७० पुरुष संघ स्पर्धेत सहभागी होणार आहेत. या स्पर्धेचं आयोजन चेतन अण्णा पवार स्पोर्ट्स फाउंडेशन तर्फे करण्यात आलं असून, नोंदणी प्रक्रिया १ ते ७ नोव्हेंबरदरम्यान पार पडली. स्पर्धेची सुरुवात २३ नोव्हेंबरपासून होणार असून, सामने पुढील तीन विकेंड्सदरम्यान सुखवाणी पाम्स टर्फ अँड स्पोर्ट्स, ताथवडे येथे रंगणार आहेत. स्पर्धेच्या जल्लोषात भर घालण्यासाठी भव्य जर्सी आणि शर्ट…
पिंपरी, (महाराष्ट्र ब्रेकिंग न्यूज) – पिंपरी-चिंचवड पोलिस आयुक्तालयाला स्थापनेनंतर तब्बल सात वर्षांनी स्वतःचा स्वतंत्र घटक झेंडा मिळाला आहे. पोलिस आयुक्त विनय कुमार चौबे यांच्या पाठपुराव्यामुळे १० नोव्हेंबर २०२५ रोजी महाराष्ट्र पोलिस महासंचालक कार्यालयाने या झेंड्याला अधिकृत मान्यता दिली. महाराष्ट्र पोलिस दलातील प्रत्येक जिल्हा आणि आयुक्तालयाला स्वतंत्र घटक झेंडा दिला जातो. या झेंड्याचा उपयोग महाराष्ट्र पोलिस कर्तव्य मेळावा, राज्यस्तरीय स्पर्धा आणि इतर अधिकृत कार्यक्रमांमध्ये संबंधित घटकाच्या ओळख आणि अभिमानाचे प्रतीक म्हणून केला जातो. ७ वर्षांनंतर पूर्ण झाली प्रतीक्षा.. पिंपरी-चिंचवड पोलिस आयुक्तालयाची स्थापना १५ ऑगस्ट २०१८ रोजी झाली होती. मात्र, स्थापनेनंतरही या आयुक्तालयाला घटक झेंडा उपलब्ध झाला नव्हता. ही बाब लक्षात घेऊन…
भोसरी, (महाराष्ट्र ब्रेकिंग न्यूज) – भोसरी येथील चॅम्पियन अरेना शूटिंग अकॅडमी (Walke Federation) च्या नेमबाजांनी अहमदाबाद (गुजरात) येथे झालेल्या G.V. Mhalgunker ‘Pre National Shooting Competition’ मध्ये घवघवीत यश मिळवत शहराचे नाव उज्ज्वल केले आहे. स्पर्धेत उल्लेखनीय कामगिरी करत सर्व नेमबाजांनी आगामी ‘National Shooting Competition’ साठी पात्रता मिळवली आहे. अकॅडमीचे मुख्य प्रशिक्षक ओम पोखरकर सर (आंतरराष्ट्रीय दर्जाचे 10 व 25 मीटर शूटिंग कोच) यांच्या मार्गदर्शनाखाली खेळाडूंनी उत्कृष्ट प्रगती साधली. 🎯 उत्कृष्ट कामगिरी करणारे नेमबाज : स्वर संगम कुमावत – ३५९/४०० सोहम बाबासाहेब गंजे – ३५७/४०० समर्थ शेलार – ३५२/४०० हर्षवर्धन टिकायत – ३४४/४०० प्रियांका भास्कर गार्जे – ३३५/४०० तसेच विवान…
पिंपरी, (महाराष्ट्र ब्रेकिंग न्यूज) – विश्व हिंदू परिषद, पश्चिम महाराष्ट्र प्रांताच्या वतीने रविवार, दिनांक १६ नोव्हेंबर २०२५ रोजी रमणबाग शाळा, पुणे येथे सेवाकुंभ २०२५चे आयोजन करण्यात आले आहे. याप्रसंगी विश्व हिंदू परिषदेचे केंद्रीय सहमंत्री तथा केंद्रीय सहसेवा प्रमुख स्वपनकुमार मुखर्जी प्रमुख वक्ते म्हणून उपस्थित राहणार असून प्रमुख पाहुणे म्हणून ज्येष्ठ सिनेअभिनेते प्रवीण तरडे, विश्व हिंदू परिषद क्षेत्रमंत्री मा रामचंन्द रामुका, प्रा. अनंत पांडे, उद्योजक नितीन जाधव आदी मान्यवरांची प्रमुख उपस्थिती राहील. अखिल विश्वात हिंदूचे प्रतिनिधित्व करणारे विश्व हिंदू परिषद हे आंतरराष्ट्रीय संघटन आहे. स्थापनेपासून सेवा, सुरक्षा व संस्कार या त्रिसूत्रीवर आधारित परिषद कार्य करीत आहे. जनजातीय श्रेत्रातील विद्यार्थी आणि महिलांसाठी…
एमआयटी एडीटी आणि ॲडमिशन सजेशन आयोजित करिअर गायडन्स सेमिनार संपन्न पिंपरी चिंचवड शहरातील शिक्षकांचा ‘गुरु गौरव पुरस्कार’ देऊन सन्मान पिंपरी, (महाराष्ट्र ब्रेकिंग न्यूज) – एमआयटी एडीटी विद्यापीठ, पुणे आणि ॲडमिशन सजेशन यांच्या संयुक्त विद्यमाने ‘बारावी नंतर पुढे काय?’ या विषयावर मोफत करिअर गायडन्स सेमिनार आयोजित करण्यात आला होता. या सेमिनारला विद्यार्थ्यांचा, शिक्षकांचा तसेच पालकांचा प्रचंड प्रतिसाद लाभला. तसेच या निमित्ताने पिंपरी चिंचवड शहरातील तज्ञ शिक्षकांना ‘गुरु गौरव पुरस्कार’ देऊन सन्मानित करण्यात आले. या सेमिनार मध्ये विद्यार्थ्यांना एमआयटी एडीटी विद्यापीठाचे विद्यार्थी कार्य चे सहाय्यक संचालक डॉ. उल्हास माळवदे व सहाय्यक प्राध्यापक डॉ. नंदकिशोर कार्लेकर आणि ॲडमिशन सजेशनचे संचालक अक्षय कुमार…
पिंपरी, (महाराष्ट्र ब्रेकिंग न्यूज)-पिंपरी चिंचवड महानगरपालिका सार्वत्रिक निवडणुक २०२५-२०२६ करिता राष्ट्रवादी काँग्रेस पार्टी, पिंपरी चिंचवड शहर जिल्हाच्या वतीने ३२ प्रभागातील इच्छुक उमेदवारांनी शुक्रवार, दिनांक १४ नोव्हेंबर २०२५ ते मंगळवार, दिनांक २५ नोव्हेंबर २०२५ पर्यंत सकाळी १०:०० ते सांयकाळी ०५:०० या वेळेत राष्ट्रवादी पक्ष कार्यालय, खराळवाडी, पिंपरी येथे संपूर्ण माहितीसह अर्ज पक्ष कार्यालयात जमा करावेत. अर्जासोबत उमेदवारांनी आपली माहिती देताना अर्जदाराचे संपुर्ण नाव, विधानसभेचे नाव, प्रभागाचे नाव, प्रभाग क्रमांक, मतदार यादीतील भाग व अनुक्रमांक, आरक्षण प्रवर्ग (ओपन, ओबीसी, एस.सी.,एस.टी), जात वैधता प्रमाणपत्र छायांकित प्रत, जन्म दिनांक, वय, शिक्षण, आधार कार्ड, पक्षाचा क्रियाशील व प्राथमिक सदस्य क्रमांक इत्यादींसह आपला कार्य अहवाल जोडने…
वैयक्तिक वादातून मित्रांनी डोक्यात गोळी झाडून व्यावसायिकाचा खून केला. दिघी पोलीस ठाण्याच्या हद्दीत वडमुखवाडी येथील अलंकापुरम ९० फुटी रस्ता येथे बुधवारी (दि. १२ नोव्हेंबर) सायंकाळी सहाच्या सुमारास ही घटना घडली. नितीन शंकर गिलबिले (वय ३७, रा. वडमुखवाडी, चऱ्होली) असे खून झालेल्या व्यावसायिकाचे नाव आहे. अमित जीवन पठारे (३५, रा. पठारेमळा, चऱ्होली), विक्रांत ठाकूर (रा. सोलू, ता. खेड) अशी संशयितांची नावे आहेत. पोलिसांनी दिलेल्या माहितीनुसार, नितीन गिलबिले आणि इतर काही जण अलंकापुरम रस्त्यावरील शेडजवळ थांबले होते. त्यावेळी नितीन यांचा मित्र असलेला संशयित अमित पठारे आणि विक्रांत ठाकूर हे दोघे फाॅर्च्यूनर कार घेऊन तेथे आले. त्यांनी नितीन गिलबिले यांना कारमध्ये बसवले. त्यानंतर…
चिंचवड, (महाराष्ट्र ब्रेकिंग न्यूज) – सावित्रीबाई फुले पुणे विद्यापीठ, पुणे बहिःशाल शिक्षण मंडळ व जेष्ठ नागरिक सहाय्यता कक्ष आणि कमला शिक्षण संस्थेचे प्रतिभा शिक्षणशास्त्र महाविद्यालय, चिंचवड- पुणे यांच्या संयुक्त विद्यमाने आयोजित “यशवंतराव चव्हाण व्याख्यानमाला” घेण्यात आली. कमला एज्युकेशन सोसायटीचे संस्थापक, सचिव डॉ.दीपक शहा, खजिनदार डॉ. भूपाली शहा, संचालिका डॉ. तेजल शहा यांच्या मार्गदर्शनाखाली व्याख्यानमाला उत्साहात संपन्न झाली. पहिले पुष्प प्रमुख वक्ते डॉ.रुस्तुम दराडे यांनी ‘मुलाखत तंत्र’ याविषयी माहिती दिली. त्यात त्यांनी मुलाखतीसाठी कशी तयारी करावी? तसेच विविध तंत्रांचा प्रभावीपणे वापर कसा करावा याविषयी योग्य मार्गदर्शन केले. अशाप्रकारे पहिल्या पुष्पाची सांगता झाली. दुसऱ्या पुष्पाचे प्रमुख वक्ते मुबीन तांबोळी यांची ‘हास्यहंडी…