Author: maharashtrabreakingnews.com
पिंपरी, (महाराष्ट्र ब्रेकिंग न्यूज) – प्रभाग क्र. १३, यमुनानगर, निगडी येथील कै. मीनाताई ठाकरे जलतरण तलाव नागरिकांसाठी खुला करावा अशी मागणी मनसे शहराध्यक्ष सचिन चिखले यांनी उपायुक्त यांच्याकडे केली आहे. प्रभाग क्र. १३, यमुनानगर, निगडी येथील कै. मीनाताई ठाकरे जलतरण तलावाचे दुरुस्तीचे काम होऊन वर्षभर लोटले आहे तरी देखील प्रशासनाने नागरिकांना वेठीस धरण्याचे काम चालू असून अजूनही हा तलाव नागरिकांच्या वापरासाठी खुला करण्यात आलेला नाही. सध्या उन्हाचे प्रमाण खूप जास्त प्रमाणात वाढले असून नागरिकांकडून मोठ्या प्रमाणात जलतरण तलाव चालू करण्याची मागणी करण्यात येत आहे. नागरिकांच्या हितासाठी लवकरात लवकर कै. मीनाताई ठाकरे जलतरण तलाव वापरासाठी खुला करण्यात यावा,असे निवेदनात म्हंटले…
पिंपरी (महाराष्ट्र ब्रेकिंग न्यूज) – कॅडबरीच्या वेष्टणाची वेषभूषा केलेल्या चिमुरड्यांनी “असावा सुंदर चॉकलेटचा बंगला…” या कवितेवर आकर्षक पदन्यास करीत, उपस्थितांना मंत्रमुग्ध करीत टाळ्यांचा प्रतिसाद मिळवला. निमित्त होते लर्निव्हर्स स्कूलच्या किवळे, चिंचवडेनगर, रावेत, गहुंजे आणि चिंचवडगाव या पाच शाखांच्या पूर्वप्राथमिक विद्यार्थ्यांच्या वार्षिक स्नेहसंमेलनाचे! आकुर्डी प्राधिकरणातील ग. दि. माडगूळकर नाट्यगृहात बुधवार, दिनांक २८ फेब्रुवारी २०२४ रोजी संपन्न झालेल्या या स्नेहसंमेलनाचे उद्घाटन माजी महापौर झामाबाई बारणे, युवासेना प्रमुख राजेंद्र तरस, माजी नगरसेवक शेखर चिंचवडे, सिद्धेश्वर बारणे, सिद्धी समाधी योगचे संजय ठक्कर, भाषा अकॅडेमीचे संस्थापक दीपक पागे, सामाजिक कार्यकर्ते विश्वजित बारणे, किरण चिंचवडे आणि संस्थापिका प्रियंका नलावडे आदी मान्यवरांच्या उपस्थितीत करण्यात आले. “देश मेरा…
पिंपरी, (महाराष्ट्र ब्रेकिंग न्यूज) – युवती, महिला आणि लहान मुलांच्या कलागुणांना वाव देण्यासाठी लॉलीपॉप इंटरटेनमेंट आणि कॅलिस्टा पेजेंट या संस्थांच्या वतीने मागील चार वर्षांपासून विविध उपक्रम राबविण्यात येत आहेत. त्या अंतर्गत रविवारी (३ मार्च) ‘महाराष्ट्राची सौंदर्यवती मेगा शो २०२४ स्पर्धेचे’ आयोजन करण्यात आले आहे अशी माहिती संचालक संजीव जोग यांनी प्रसिद्धीस दिली आहे. रविवारी दुपारी बारा वाजता इल्प्रो सिटी स्क्वेअर, तिसरा मजला, चिंचवड येथे सुरू होणाऱ्या कार्यक्रमात प्रमुख पाहुणे म्हणून माजी महापौर ज्येष्ठ नेते संजोग वाघेरे पाटील, डॉ. प्रशांत इनरकर, ज्येष्ठ कर सल्लागार शाळीग्राम तायडे, नृत्यांगना संयोगिता पाटील आदी उपस्थित राहणार आहेत. महाराष्ट्र प्राइड पुरस्कार वितरण सोहळा, सौंदर्यवती स्पर्धेचे पारितोषिक…
पिंपरी, (महाराष्ट्र ब्रेकिंग न्यूज) – ‘’आम्ही भारताचे नागरिक, लोकशाहीवर निष्ठा ठेवून, याद्वारे, प्रतिज्ञा करतो की, आपल्या देशाच्या लोकशाही परंपराचे जतन करू आणि मुक्त नि:पक्षपाती व शांततापुर्ण वातावरणातील निवडणुकींचे पावित्र्य राखू व प्रत्येक निवडणूकीत निर्भयपणे तसेच धर्म, वंश, जात, समाज, भाषा यांच्या विचारांच्या प्रभावाखाली न येता किंवा कोणत्याही प्रलोभनास बळी न पडता मतदान करू’’, अशी शपथ आज घेण्यात आली. महिला मतदारांचे प्रमाण वाढविण्यासाठी चिंचवड येथील प्रा. रामकृष्ण मोरे प्रेक्षागृह येथे पिंपरी-चिंचवड महापालिका व जिल्हा दिव्यांग पुनर्वसन केंद्र यांच्या संयुक्त विद्यमाने ३३ मावळ लोकसभा अंतर्गत २०५ चिंचवड विधानसभा मतदारसंघात आयोजित केलेल्या शीघ्र निदान शिघ्र उपचार या उपक्रमात लोकशाहीचा जागर व लोकशाही संदर्भात…
पिंपरी, (महाराष्ट्र ब्रेकिंग न्यूज) – जगात सर्वात श्रेष्ठ आई-वडील असले तरी त्यापेक्षा श्रेष्ठ आपले शिक्षक आई-वडिलांनी आपले संगोपन करून आपल्याला चांगले संस्कार शिक्षण दिले असले तरी त्या शिक्षणाला वळण देणारे आपले गुरु शिक्षक असतात . शिक्षण घेता घेता त्या शालेय वातावरणात आपल्याला चांगले मित्र-मैत्रिणी भेटतात. आपल्या रक्ताच्या नात्यापेक्षा त्यापलीकडचे आपले जिवलग मित्र मैत्रिणी शिक्षण पूर्ण झाल्यावर पुढच्या आयुष्यात पदार्पण करून आपले करिअर पूर्ण करण्याचे प्रयत्न करतात त्यानंतर ते संसारात राहून जातात. आपल्या सगळ्यांचे असेच आहे लग्न झाल्यावर आपण नवीन नात्यात गुंतून जातो त्या नात्यांचा मान सन्मान करून आपण आपले शालेय बालपण हरवून बसतो. आपले जिवलग मित्र मैत्रिणी आपले शिक्षक यांचा…
पिंपरी, (महाराष्ट्र ब्रेकिंग न्यूज) – लहानपणी शाळेत जायला कंटाळणारे मुलं आणि मुलीं जेव्हा मोठे होतात आणि संसाराच्या जबाबदाऱ्या स्विकारतात तेव्हा त्यानांच त्यांची ती शाळा हवी हवीशी वाटू लागते, पुन्हा शाळेत जावेसे वाटते, बालपणीच्या मित्र-मैत्रिणी, शिक्षक यांना भेटावेसे वाटते. असाच एक यशस्वी प्रयत्न चिंचवडच्या श्री जैन प्रसारक मंडळाच्या श्रीमती गेंदीबाई ताराचंद चोपडा हायस्कूल च्या 1990 साली दहावी उत्तीर्ण झालेल्या विद्यार्थ्यांनी आणि त्यांच्या शिक्षकांनी केला. दिनांक 25 फेब्रुवारी 2024 रोजी, सारसबागेतील पेशवे सभागृहा मध्ये या सर्व माजी विद्यार्थ्यांनी तसेच शिक्षकांनी स्नेह-संमेलन भरविले, आणि सर्वांनी मनमुराद आनंद लुटला. कार्यक्रमाला दूर बाहेर गावाहून आवर्जून उपस्थित राहिलेले शिक्षक श्रीयुत भडके सर वयाच्या ८० व्या वर्षीही…
– शहर विकासावर व नागरिकांच्या जीवनमानावर परिणाम – रेड झोन प्रश्न सोडविण्यासाठी संरक्षण मंत्र्यांकडे मागणी पिंपरी (महाराष्ट्र ब्रेकिंग न्यूज) – पिंपरी चिंचव़ड शहर, देहूगाव, निगडी प्राधिकरण परिसर, तसेच आयटी पार्कसह असंख्य लोकसंख्येच्या परिसरासाठी ‘रेड झोन’ चा प्रश्न जिव्हाळ्याचा आहे. या ‘रेड झोन’चा शहर विकासावर व बाधित नागरिकांच्या जिवनमानावर विपरित परिणाम होत आहे. केंद्र सरकार, संरक्षण विभाग आणि प्रशासकीय स्तरावर योग्य विचार होऊन ‘रेड झोन’ बाधितांची कायमची सुटका करून त्यांच्यावरील टांगती तलवार दूर करावी, अशी मागणी शिवसेना (उद्धव बाळासाहेब ठाकरे) मावळ लोकसभा संघटक संजोग वाघेरे पाटील यांनी केली आहे. या संदर्भात संजोग वाघेरे पाटील य़ांनी देशाचे संरक्षण मंत्री यांच्यासह पुणे जिल्हाधिकारी व…
पिंपरी,(महाराष्ट्र ब्रेकिंग न्यूज) – पिंपरी चिंचवड एज्युकेशन ट्रस्टच्या पिंपरी चिंचवड कॉलेज ऑफ इंजीनियरिंग मधील संगणक अभियांत्रिकी विभागाच्या ‘पीसीसीओई एसीएम स्टुडंट चॅप्टर’ या संघाने ‘एसीएम इंडिया बेस्ट स्टुडंट चॅप्टर फॉर आऊटस्टँडिंग ऍक्टिव्हिटीज अवॉर्ड’ हा पुरस्कार पटकावला. पीसीसीओई एसीएम स्टुडंट चॅप्टरने वर्षभरात विद्यार्थ्यांसाठी व समाजातील विविध घटकांसाठी आयोजित केलेल्या नाविन्यपूर्ण उपक्रमाबद्दल त्यांना या पुरस्काराने गौरवण्यात आले. याचे स्वरूप ४०,०००/- रुपये, प्रमाणपत्र, सन्मानचिन्ह असे आहे. या संघाने राष्ट्रीय आणि आंतरराष्ट्रीय पातळीवर सहा वेळा पुरस्कार पटकावले आहेत. हा पुरस्कार वितरण सोहळा भुवनेश्वर येथे नुकताच एसीएम इंडियाच्या वार्षिक कार्यक्रमात एसीएम इंडियाचे कार्यकारी संचालक हेमंत पांडे आणि पर्सिस्टंट सिस्टीमचे विनीत कपूर यांच्या हस्ते संपन्न झाला.…
पिंपरी , (महाराष्ट्र ब्रेकिंग न्यूज) – आपल्या कामाचा आलेख मोठा आहे. डोळ्यावरील पट्टी उघडली तरच विरोधकांना आपली कामे दिसतील. त्यांच्या आरोपांकडे दुर्लक्ष करावे. कामे जनतेपर्यंत पोहोचवावीत. गाफील राहू नका, उद्याच निवडणूक आहे असे गृहित धरुन कामाला लागण्याचे आवाहन मावळचे शिवसेना खासदार श्रीरंग बारणे यांनी कार्यकर्त्यांना केले. आगामी लोकसभा निवडणुकीच्या पार्श्वभूमीवर शिवसेनेचा काळेवाडीत पदाधिकारी मेळावा झाला. पक्ष संघटना, निवडणूक रणनिती, काम करण्याबाबत खासदार बारणे यांनी कार्यकर्त्यांना मार्गदर्शन केले. खासदार बारणे म्हणाले, पिंपरीत पासपोर्ट कार्यालय सुरु केली. मेट्रो निगडीपर्यंत नेली. पिंपरी-चिंचवडकरांची तहान भागविणा-या पवना धरणातील गाळ स्वखर्चाने काढला. रेल्वेच्या तिस-या, चौथ्या ट्रॅकसाठी पाठपुरावा केला. त्याचा 50 टक्के खर्च राज्य सरकारने उचलला आहे. त्यामुळे…
पिंपरी, (महाराष्ट्र ब्रेकिंग न्यूज) – पिंपरी – चिंचवड महानगरपालिका वृक्ष प्राधिकरण यांच्या वतीने ‘रानजाई महोत्सव’ व २७ वे भव्य ‘फळ-फुले भाजीपाला बागा प्रदर्शन व स्पर्धा ’ दिनांक १ ते ३ मार्च २०२४ या कालावधीत आयोजित करण्यात आलेल्या आहेत. या महोत्सवामध्ये पर्यावरण तज्ञांचे मार्गदर्शन, लाईव्ह कॅलिग्राफी, प्राचीन उद्यान कलेचे अस्तित्व या विषयावर व्याख्यान, निसर्ग कवितांचे कविसंमेलन यांसह पर्यावरण संवर्धन व जनजागृतीसाठी विविध कार्यक्रमांचे आयोजन करण्यात आलेले असून या महोत्सवात शहरवासियांनी सहभागी व्हावे असे आवाहन आयुक्त तथा प्रशासक शेखर सिंह यांनी केले आहे. महापौर निवास, सेक्टर नं २७ संत तुकाराम उद्यान शेजारी, निगडी प्राधिकरण येथे शुक्रवार १ मार्च रोजी सकाळी १०.३० वाजता आयुक्त तथा…