– दीपावली पाडव्यानिमित्त हिंदुत्ववादी संघटनांच्या पदाधिकारी, कार्यकर्त्यांशी सदिच्छा भेट
– धर्मरक्षण, संस्कृती संवर्धन आणि गोवंश रक्षणाच्या कार्याला पाठबळ
पिंपरी, (महाराष्ट्र ब्रेकिंग न्यूज) – ‘धर्मो रक्षति रक्षितः’ अर्थात धर्माचे रक्षण करणाऱ्यांचे रक्षण स्वयं धर्म करतो, हा विचार अधोरेखित करीत भोसरी विधानसभा मतदारसंघाचे आमदार महेश लांडगे यांनी दीपावली पाडव्याच्या शुभमुहूर्तावर पिंपरी-चिंचवड शहरातील विविध हिंदुत्ववादी संघटनांचे प्रतिनिधी, पदाधिकारी आणि कार्यकर्त्यांची सदिच्छा भेट घेतली. देव, देश, धर्म आणि गोवंश रक्षणासाठी निःस्वार्थ भावनेने कार्य करणाऱ्या सहकाऱ्यांना शुभेच्छा देत त्यांच्या सामाजिक आणि धार्मिक कार्याबद्दल आत्मीयता व्यक्त केली.
दीपावली पाडवा हा नव्या संकल्पांचा, स्नेहबंध दृढ करण्याचा आणि सकारात्मक विचारांना नवी ऊर्जा देण्याचा सण आहे. याच पार्श्वभूमीवर आमदार महेश लांडगे यांनी शहरातील विविध हिंदुत्ववादी संघटनांच्या पदाधिकाऱ्यांशी संवाद साधत त्यांच्या कार्याचा गौरव केला.
हिंदू धर्म, संस्कृती आणि परंपरांचे जतन करण्यासाठी विविध संघटनांचे कार्यकर्ते सातत्याने प्रयत्नशील असतात. धार्मिक उत्सव, सांस्कृतिक उपक्रम, गोवंश रक्षण आणि सामाजिक प्रबोधनाच्या माध्यमातून कार्य करणाऱ्या या सहकाऱ्यांशी आमदार लांडगे यांनी स्नेहसंवाद साधला.
हिंदुत्व हा केवळ विचार नसून संस्कृती, परंपरा, श्रद्धा आणि सामाजिक बांधिलकी जपण्याचा संकल्प आहे, अशी भूमिका या भेटीच्या निमित्ताने अधोरेखित करण्यात आली. धर्मरक्षणाच्या कार्याबरोबरच समाजात एकात्मता, सेवाभाव आणि सांस्कृतिक जागृती निर्माण करण्यासाठी संघटनांनी अधिक सक्रियपणे कार्यरत राहावे, अशा सदिच्छाही व्यक्त करण्यात आल्या.
धर्मरक्षणाच्या कार्याला नवी ऊर्जा देण्याचा संकल्प!
पिंपरी-चिंचवड शहरातील विविध धार्मिक आणि सांस्कृतिक उपक्रमांमध्ये हिंदुत्ववादी संघटनांचे योगदान राहिले आहे. देव, देश आणि धर्मासाठी समर्पित भावनेने कार्य करणाऱ्या कार्यकर्त्यांचे संघटनात्मक बळ वाढावे, त्यांच्या कार्याला अधिक व्यापक स्वरूप प्राप्त व्हावे आणि नव्या पिढीपर्यंत भारतीय संस्कृतीचा वारसा पोहोचावा, यासाठी सामूहिक प्रयत्नांची गरज असल्याचा संदेश या भेटीतून देण्यात आला.
आमदार महेश लांडगे यांनी सर्व पदाधिकारी आणि कार्यकर्त्यांना दीपावली पाडव्याच्या शुभेच्छा दिल्या. धर्म, संस्कृती आणि राष्ट्रहितासाठी सुरू असलेले विधायक कार्य अधिक जोमाने पुढे जावे, अशी सदिच्छा व्यक्त केली.
‘जय श्रीराम! हर हर महादेव!’ या घोषणांसह धर्मरक्षण आणि सांस्कृतिक संवर्धनाचा संकल्प या निमित्ताने अधोरेखित झाला.
‘‘देव, देश आणि धर्मासाठी निःस्वार्थ भावनेने कार्य करणारे सहकारी ही आपल्या समाजाची खरी शक्ती आहे. हिंदू संस्कृती, परंपरा आणि श्रद्धास्थानांचे जतन करण्यासाठी सातत्याने कार्य करणाऱ्या प्रत्येक कार्यकर्त्याच्या पाठीशी उभे राहणे, ही आपली सामूहिक जबाबदारी आहे. ‘धर्मो रक्षति रक्षितः’ हा आपल्या संस्कृतीने दिलेला विचार आहे. दीपावली पाडव्याच्या मंगल पर्वावर धर्मरक्षणासाठी कार्यरत सर्व सहकाऱ्यांना मनःपूर्वक शुभेच्छा! त्यांचे कार्य अधिक बळकट होवो, भारतीय संस्कृतीचा वारसा अखंड जपला जावो आणि समाजात एकात्मतेची भावना वृद्धिंगत होवो, हीच सदिच्छा!’’
– महेश लांडगे, आमदार, भाजपा, पिंपरी-चिंचवड.
