रक्षक चौक येथील सबवेला माजी महापौर स्व. प्रभाकर साठे यांचे नाव द्या- रविराज काळे

पिंपळे निलख, (महाराष्ट्र ब्रेकिंग न्यूज) – रक्षक चौक पिंपळे निलख येथे पिंपरी चिंचवड महानगरपालिका कडून सबवेचे काम चालू आहे. या सबवेला पिंपळे निलख येथिल प्रथम नगरसेवक, पिंपरी चिंचवड महापालिकेचे माजी महापौर कै प्रभाकर साठे यांचे नाव द्यावे, अशी मागणी आपचे रविराज काळे यांनी प्रसिद्धी पत्रकातून केली आहे.

दिलेल्या प्रसिद्धी पत्रकात म्हटले आहे की, 1986 साली त्यांनी पिंपळे निलख येथिल नागरिकांना येण्या – जाण्यासाठी रस्ता मिळावा यासाठी मोठे परिश्रम घेतले आहेत.रस्ता मिळवण्यात त्यांचा अग्रेसर सहभाग होता.त्यामुळे त्यांचे नाव या सबवेला देणे हा त्यांचा सन्मान असेल.त्यांचे कार्य तरूणांसाठी प्रेरणादायी आहे.त्यांचे नाव या सबवेला द्यावे.अशी मागणी आपचे युवक शहराध्यक्ष रविराज काळे यांनी केली आहे.