पिंपरी – चिंचवड ॲडव्होकेटस् बार असोसिएशनच्या नूतन कार्यकारिणीचा पदग्रहण सोहळा उत्साहात संपन्न

पिंपरी (महाराष्ट्र ब्रेकिंग न्यूज ) – पिंपरी – चिंचवड ॲडव्होकेटस् बार असोसिएशनच्या सन २०२४-२५ च्या नवनिर्वाचित कार्यकारिणीचा पदग्रहण समारंभ मोठ्या उत्साहात पिंपरी न्यायालयात पार पडला. नवीन कार्यकारिणीची निवडणूक शनिवार, दिनांक ३० नोव्हेंबर २०२४ रोजी झाली आणि या निवडणुकीत अनेक उमेदवारांनी माघार घेतली असल्याने पिंपरी – चिंचवड ॲडव्होकेटस् बार असोसिएशनच्या अध्यक्षपदी ॲड. गौरव वाळुंज तर सचिवपदी ॲड. उमेश खंदारे यांची बिनविरोध निवड करण्यात आली. उपाध्यक्षपदाच्या तिरंगी लढतीत ॲड. अनिल पवार यांनी भरघोस मते मिळवत विजयाला गवसणी घातली. सदर निवडणूक ही बार कौन्सिल ऑफ महाराष्ट्र आणि गोवा यांनी नेमलेले निरीक्षक ज्येष्ठ विधिज्ञ  ॲड. श्रीकांत अगस्ते यांच्या मार्गदर्शनाखाली पार पडली.

सदर पदग्रहण समारंभासाठी प्रमुख पाहुणे म्हणून निवडणूक निरीक्षक ज्येष्ठ विधिज्ञ ॲड. श्रीकांत अगस्ते, निवडणूक अधिकारी ॲड. सुशील मंचरकर, पिंपरी – चिंचवड ॲडव्होकेटस् बार असोसिएशन मावळते अध्यक्ष ॲड. रामराजे भोसले, माजी अध्यक्ष ॲड. दिनकर बारणे, ॲड. सुभाष चिंचवडे, ॲड. श्याम चांडक, ॲड. संजय दातीर पाटील, महाराष्ट्र नोटरी असोसिएशनचे अध्यक्ष ॲड. अतिष लांडगे आदी उपस्थित होते. तसेच पिंपरी न्यायालयाचे प्रमुख न्यायाधीश एन. आर.  गजभिये यांनी धावती भेट देत नूतन कार्यकारणीला शुभेच्छा दिल्या.

नवनिर्वाचित कार्यकारिणीत महिला सचिवपदी ॲड. रीना मगदूम, सहसचिवपदी ॲड. राकेश जैद, खजिनदारपदी ॲड. अक्षय फुगे, हिशेब तपासणीसपदी ॲड. शंकर घंगाळे; तर सदस्यपदी ॲड. विकास शर्मा, ॲड. संघर्ष सूर्यवंशी, ॲड. मानसी उदासी, ॲड. संकेत सरोदे, ॲड. राजेश राजपुरोहित, ॲड. सीमा शर्मा यांची निवड झाली. यावेळी प्रमुख पाहुण्यांच्या हस्ते नूतन कार्यकारिणीला सन्मानचिन्ह आणि प्रमाणपत्र प्रदान करून सन्मानित करण्यात आले.

या पदग्रहण समारंभासाठी मागील कार्यकारिणीचे सचिव ॲड. धनंजय कोकणे, महिला सचिव ॲड. मोनिका सचवाणी, सदस्य ॲड. फारुख शेख, ॲड. अयाज शेख, ॲड. अस्मिता पिंगळे तसेच निवडणूक सहायक ॲड. संगीता परब, ॲड. शंकर पल्ले, ॲड. वैभव कल्याणकर त्याचप्रमाणे ॲड. सारिका भोसले, ॲड. पल्लवी विघ्ने, ॲड. अमोल गव्हाणे, ॲड. संतोष शिंदे, ॲड. संगीता बीडकर, ॲड. महेश मासुळकर, ॲड. गोरख मकासरे, ॲड. अनिल शिंदे, ॲड. धीरज कुचेरीया, ॲड. राजेश रणपिसे, ॲड. संजना माने, ॲड.  विवेक राऊत, ॲड. विजय वाघोले, ॲड. अंजली सावंत, ॲड. दिनेश ललवाणी, ॲड. पवन गायकवाड त्याचबरोबर इतर वकील बांधव व न्यायालयीन कर्मचारी उपस्थित होते. ॲड. मंगेश खराबे यांनी कार्यक्रमाचे सूत्रसंचालन केले. ॲड. अयाज शेख यांनी आभार मानले.