सामान्य कष्टकरी वर्गाच्या प्रश्नासाठी राहिल मी सदैव दक्ष
पिंपरी, (महाराष्ट्र ब्रेकिंग न्यूज ) – स्वराज्य शक्ती सेनेचे भोसरी मतदारसंघातील अधिकृत उमेदवार जावेद शहा यांनी जाधववाडी प्रभागात आज (दि.15) प्रचार फेरी काडली, या वेळी तेथील अनेक कष्टकरी वर्गातील मतदारांशी जावेद शहा यांनी संवाद साधून सामान्य कष्टकरी वर्गाच्या सर्वच समस्यासाठी मी सदैव दक्ष राहून प्रत्येक नागरीकांच्या समस्या दुर करण्यावर लक्ष ठेवेन असे आश्वासन दिले.
यावेळी जाधववाडीमधील अनेक समस्या बाबत मतदारांशी चर्चा करुन जावेद शहा यांनी या बाबत मजूर प्रशासकीय यंत्रणा आणि लोकप्रतिनिधींचा निष्काळजीपणा यामुळे जाधववाडी प्रभागातील नागरीकांना अनेक प्रश्नांना सामोरे जावे लागत असल्याचे सांगून ही सर्व परस्थिती बदलायची असेल तर संधीसाधू उमेदवार व प्रस्थापित राजकीय वर्गाला घरी बसवा असे आवहान यावेळी जावेद शहा यांनी केले आहे. यावेळी जावेद शहा यांनी जाधववाडी, कुदळवाडी, चिखली घरकुल, भिमशक्ती नगर आदी परीसरात देखील प्रचार फेरी काडून मतदारांची भेट घेऊन हिरा या चिन्हा समोरील बटन दाबून मतदान करण्याचे आवहान केले.
——————————————–
कष्टकरी वर्गाच्या समस्या जैसेथेचः-
जाधववाडी मधील बहुतांश नागरीकांना पाण्याच्या जटील समस्यांना सामोरे जावे लागत आहे. या समस्यापासून उच्चभ्रु सोसायटीमधील नागरीक देखील सुटले नाहीत. या बरोबरच सततच्या संत गतीत सुरु असलेल्या विकासाकामामुळे येथील परिसरात प्रचंड प्रमाणात वाहतूक कोंडी सुरु असून येथील नागरीक हैराण झाले आहेत. त्याबरोबर वैद्यकीय सेवा सुध्दा अपुरी प्रमाणात असल्यामुले येथील अनेक समस्या जैसेथेच आहेत. यासाठी नागरीकांनी माझ्या हिरा या चिन्हा समोरील बटन दाबून मला प्रचंड मतांनी विजयी करावे.
जावेद शहा, उमेदवार भोसरी विधानसभा( स्वराज्य शक्ती सेना)
———————————————————————-
