Author: maharashtrabreakingnews.com

चिंचवड, (महाराष्ट्र ब्रेकिंग न्यूज) –  सावित्रीबाई फुले पुणे विद्यापीठ, पुणे बहिःशाल शिक्षण मंडळ व जेष्ठ नागरिक सहाय्यता कक्ष आणि कमला शिक्षण संस्थेचे प्रतिभा शिक्षणशास्त्र महाविद्यालय, चिंचवड- पुणे यांच्या संयुक्त विद्यमाने आयोजित “यशवंतराव चव्हाण व्याख्यानमाला” घेण्यात आली. कमला एज्युकेशन सोसायटीचे संस्थापक, सचिव डॉ.दीपक शहा, खजिनदार डॉ. भूपाली शहा, संचालिका डॉ. तेजल शहा यांच्या मार्गदर्शनाखाली व्याख्यानमाला उत्साहात संपन्न झाली. पहिले पुष्प प्रमुख वक्ते डॉ.रुस्तुम दराडे यांनी ‘मुलाखत तंत्र’ याविषयी माहिती दिली. त्यात त्यांनी मुलाखतीसाठी कशी तयारी करावी? तसेच विविध तंत्रांचा प्रभावीपणे वापर कसा करावा याविषयी योग्य मार्गदर्शन केले. अशाप्रकारे पहिल्या पुष्पाची सांगता झाली. दुसऱ्या पुष्पाचे प्रमुख वक्ते मुबीन तांबोळी यांची ‘हास्यहंडी…

पिंपरी, (महाराष्ट्र ब्रेकिंग न्यूज) –  नवी दिल्ली येथे इंडीयन डेफ क्रिकेट असोसिएशन (आयडीसीए) तर्फे ९ व्या टी-२० राष्ट्रीय डेफ क्रिकेट चॅम्पियनशीप स्पर्धेच्या अंतिम सामन्यात महाराष्ट्र मूकबधिर क्रिकेट संघाने जम्मू काश्मीर मूकबधिर क्रिकेट संघाचा ८ धावांनी पराभव करत विजेतेपद पटकाविले. या स्पर्धेत महाराष्ट्र संघाचे प्रशिक्षक म्हणून पिंपरी चिंचवड महापालिकेच्या मध्यवर्ती भांडार विभागाचे भांडारपाल विवेक मालशे मोलाचा वाट उचलला. या स्पर्धेत प्रशिक्षक या नात्याने मिळविलेल्या यशाबद्दल विवेक मालशे याचा अतिरिक्त आयुक्त विजयकुमार खोराटे यांच्या हस्ते सत्कार करण्यात आला. यावेळी पिंपरी चिंचवड महापालिका कर्मचारी संघाचे खेळाडू राहूल चावरिया, सचिन लोणे, महेश कुदळे, ओंकार पवार, विनोद साळूंखे, कृष्णा चव्हाण, योगेश साठे, निखिल आव्हाड,…

पिंपरी, (महाराष्ट्र ब्रेकिंग न्यूज)  – पिंपरी चिंचवड महापालिकेच्या नियोजित सार्वत्रिक निवडणुकीच्या अनुषंगाने, महापालिकेच्या कार्यक्षेत्रातील विधानसभा मतदारसंघांची मतदार यादी प्रभागनिहाय विभाजित करून प्रारूप मतदार यादी १४ नोव्हेंबर २०२५ रोजी प्रसिद्ध करण्यात येणार आहे. या यादीवर नागरिकांना हरकती व सूचना दाखल करण्यासाठी १४ नोव्हेंबर ते २२ नोव्हेंबर २०२५ ही मुदत देण्यात आली आहे. या काळात नागरिकांकडून प्रारूप मतदार यादीवर येणाऱ्या हरकती व सूचना स्वीकारण्यासाठी अ, ब, क, ड, ई, फ, ग आणि ह अशा क्षेत्रीय कार्यालयानिहाय अधिकारी-कर्मचाऱ्यांची नियुक्ती करण्यात आली आहे, अशी माहिती प्राधिकृत अधिकारी तथा अतिरिक्त आयुक्त प्रदीप जांभळे पाटील यांनी दिली. नियुक्तीबाबतचे आदेश पिंपरी चिंचवड महापालिका निवडणूक विभागाच्या वतीने…

पिंपरी,  (महाराष्ट्र ब्रेकिंग न्यूज) – सार्वजनिक स्वच्छतेविषयक नियमांचे उल्लंघन करणाऱ्यांवर दंडात्मक कारवाई करण्याची मोहीम पिंपरी चिंचवड महापालिकेने सुरू केली आहे. या मोहिमेंतर्गत ‘फ’ क्षेत्रीय कार्यालयाने १ नोव्हेंबर २०२५ ते १० नोव्हेंबर २०२५ या काळात जवळपास ५८ जणांवर दंडात्मक कारवाई करीत ६३ हजार रुपये दंड वसूल केला आहे. महापालिका आयुक्त श्रावण हर्डीकर, अतिरिक्त आयुक्त विजयकुमार खोराटे यांच्या मार्गदर्शनाखाली व क्षेत्रीय अधिकारी अतुल पाटील यांच्या अधिपत्याखाली ही कारवाई करण्यात आली आहे. पिंपरी चिंचवड महापालिका शहर अधिक स्वच्छ, सुंदर आणि आरोग्यदायी करण्यासाठी सातत्याने प्रयत्नशील आहे. नागरिकांमध्ये कचरा विलगीकरणाबाबत जागरूकता निर्माण व्हावी, यासाठी महापालिकेच्या आरोग्य विभागाकडून क्षेत्रीय कार्यालयानिहाय विविध जनजागृती उपक्रम राबवले जात…

पिंपरी, (महाराष्ट्र ब्रेकिंग न्यूज) – महापालिका निवडणुकीसाठीची आरक्षण सोडत मंगळवारी (दि. ११) चिंचवड येथील प्रा. रामकृष्ण मोरे प्रेक्षागृहात पार पडली. आरक्षणाचा पडदा पडताच, शहराच्या राजकीय वातावरणात ‘हुर्रे-अरेरे’चा माहोल निर्माण झाला. काहींसाठी आनंदाचा क्षण ठरला, तर काहींच्या चेहऱ्यावर निराशेची छाया उमटली. एकूण ३२ प्रभागांतील १२८ जागांसाठी ही सोडत पार पडली. खचाखच भरलेल्या प्रेक्षागृहात माजी नगरसेवक, इच्छुक, कार्यकर्ते आणि समर्थकांनी हजेरी लावली होती. प्रत्येक प्रभागाचे आरक्षण जाहीर होताच टाळ्यांचा कडकडाट, आनंदाचे जल्लोष आणि काही ठिकाणी नाराजीच्या प्रतिक्रिया उमटल्या. काहींनी आनंदातच कार्यकर्त्यांना “त्वरित कामाला लागा” अशा सूचना दिल्या, तर काही जण शांतपणे बाहेर पडताना दिसले. राज्य निवडणूक आयोगाच्या मार्गदर्शनाखाली पुणे विभागीय आयुक्त डॉ.…

पिंपरी, (महाराष्ट्र ब्रेकिंग न्यूज) –  भारत सरकारच्या गृहनिर्माण व शहरी कार्य मंत्रालयाच्या ‘स्वच्छ शहर जोडी’ उपक्रमांतर्गत केंद्र सरकारने पिंपरी चिंचवड महापालिकेची निवड मार्गदर्शक शहर म्हणून केली आहे. या उपक्रमांतर्गत सुरगाणा (जि. नाशिक), लखांदूर (जि. भंडारा), मंचर (जि. पुणे), जामखेड (जि. अहिल्यानगर) आणि आळंदी (जि. पुणे) या पाच नगरपरिषद व नगरपंचायतींच्या प्रतिनिधींसाठी घनकचरा व्यवस्थापन प्रक्रिया केंद्रांचा अभ्यास दौरा पिंपरी चिंचवड महापालिकेने आयोजित केला होता. या उपक्रमाचा उद्देश स्वच्छतेच्या क्षेत्रात उत्कृष्ट कामगिरी करणाऱ्या शहरांचा अनुभव इतर शहरांपर्यंत पोहोचवणे आणि शाश्वत घनकचरा व्यवस्थापनासाठी मार्गदर्शन करणे हा होता. या उपक्रमांतर्गत पिंपरी चिंचवड महापालिका आयुक्त श्रावण हर्डीकर, अतिरिक्त आयुक्त विजयकुमार खोराटे, उपायुक्त डॉ. प्रदीप…

पिंपरी, (महाराष्ट्र ब्रेकिंग न्यूज) – पिंपरी चिंचवड शहरातील एक जुने आणि धडाडीचे सामाजिक कार्यकर्ते, तसेच सक्रिय आरटीआय कार्यकर्ते म्हणून ओळखले जाणारे अमित कांबळे यांनी आज पिंपरी चिंचवडमधील आम आदमी पार्टी मध्ये जाहीर प्रवेश केला आहे. पिंपळे निलख आणि विशाल नगर परिसरात सामाजिक कार्यात सक्रिय असलेल्या अमित कांबळे यांच्या प्रवेशामुळे ‘आप’च्या पिंपरी चिंचवडमधील कार्याला नवी ऊर्जा मिळणार आहे. हा महत्त्वपूर्ण पक्षप्रवेश सोहळा पुणे मध्यवर्ती कार्यालय, येथे संपन्न झाला. ‘आप’चे राज्य कार्यकारी अध्यक्ष अजित पाटील यांच्या हस्ते कांबळे यांचे पक्षात स्वागत करण्यात आले. यावेळी प्रदेश समन्वयक अमित मस्के आणि प्रदेश सचिव अभिजीत मोरे हे देखील उपस्थित होते. ‘आप’मध्ये प्रवेश केल्यानंतर अमित…

मावळ, (महाराष्ट्र ब्रेकिंग न्यूज) – लोणावळा नगरपरिषदेच्या निवडणुकीची प्रक्रिया सुरु असतानाच ठाकरे गटाला मोठा धक्का बसला आहे. ठाकरे गटाचे  शहरप्रमुख व माजी नगरसेवक शिवदास पिल्ले, लोणावळा उपशहरप्रमुख नरेश काळवीट यांनी शिवसेनेत प्रवेश केला. मावळचे खासदार श्रीरंग बारणे यांनी त्यांचे पक्षात स्वागत केले. यावेळी जिल्हाप्रमुख राजेश खांडभोर, तालुका प्रमुख रामभाऊ सावंत, लोणावळा शहर प्रमुख संजय भोईर, युवासेनेचे विशाल हुलावळे,दत्ता केदारी,नवनाथ हरपुडे उपस्थित होते. लोणावळा नगरपरिषद निवडणुकीसाठी सोमवारपासून अर्ज भरण्याची प्रक्रिया सुरु झाली. अर्ज भरण्याच्या दुसऱ्याच दिवशी खासदार बारणे यांनी ठाकरे गटाला दणका दिला आहे. उपमुख्यमंत्री एकनाथ शिंदे यांच्या नेतृत्वाखाली अनेक कार्यकर्ते पक्षात येत आहे. शिंदे यांच्या नेतृत्वाखालील शिवसेनाच मूळ शिवसेना आहे.…

पिंपरी,  (महाराष्ट्र ब्रेकिंग न्यूज) – भारतीय जनता पक्षाकडून पिंपरी चिंचवड महापालिकेच्या निवडणुकांसाठी निवडणूक प्रमुख म्हणून जबाबदारी मिळाल्यानंतर आमदार शंकर जगताप यांनी आपले “पत्ते ओपन” करायला सुरुवात केली आहे. एकीकडे भेटीगाठी, सोसायट्यांमधील नागरिकांच्या प्रश्नांवर संवाद या माध्यमातून कार्यकर्त्यांना बळ देत असतानाच दुसरीकडे मोठ्या प्रमाणात पक्षप्रवेशही केले जात आहेत. या माध्यमातून नुकताच शिवसेना उबाठा गटातील माजी नगरसेवक यांच्या पत्नीसह शंभरहून अधिक कार्यकर्त्यांचा भाजप पक्ष प्रवेश मंगळवारी केला गेला. भारतीय जनता पक्षाचे आमदार, पक्षाचे माजी शहराध्यक्ष शंकर जगताप यांच्यावर भाजपाने मोठी जबाबदारी टाकली आहे. आगामी पिंपरी चिंचवड महापालिका निवडणुकांसाठी सर्वच पक्ष सरसावलेले आहेत. महापालिका काबीज करण्यासाठी प्रत्येक पक्षाकडून शर्थीचे प्रयत्न केले जात…

पिंपरी,  (महाराष्ट्र ब्रेकिंग न्यूज) —मधुकर बच्चे यांच्या पुढाकाराने वुई टुगेदर फाउंडेशन आणि ईशा नेत्रालय यांच्या संयुक्त विद्यमाने शहरातील सर्व नागरिकांसाठी मोफत नेत्र तपासणी शिबिराचे आयोजन करण्यात आले. हे शिबिर ईशा नेत्रालय हॉस्पिटल, चिंचवड येथे पार पडले. शिबिरात १५ वर्षांहून अधिक अनुभव असलेल्या तज्ज्ञ डॉक्टरांनी जागतिक दर्जाच्या अत्याधुनिक मशिनद्वारे नागरिकांची नेत्र तपासणी केली. तसेच सर्जन डॉ. वैभव अवताडे (रेटिना व मोतीबिंदू स्पेशालिस्ट) यांच्या मार्गदर्शनाखाली डोळ्यांचे आजार, त्यांची काळजी आणि वर्षातून एकदा नेत्र तपासणी का आवश्यक आहे यावर उपयुक्त मार्गदर्शन करण्यात आले. उपस्थित नागरिकांच्या शंकांचेही त्यांनी समाधान केले. या शिबिराला शहरातील नागरिकांचा उत्स्फूर्त प्रतिसाद मिळाला. हॉस्पिटलचे मार्केटिंग हेड व वर्क कोऑर्डिनेटर…