Author: maharashtrabreakingnews.com
पिंपरी, (महाराष्ट्र ब्रेकिंग न्यूज) – महाराष्ट्र सरकारच्या महिला व बालविकास विभागामार्फत राबविण्यात आलेल्या ‘पिंक ई-रिक्षा’ योजनेत तब्बल ४०० कोटी रुपयांचा घोटाळा झाल्याचा गंभीर आरोप महाराष्ट्र रिक्षा पंचायत आणि पिंक महिला रिक्षा चालक-मालक संघटनेने केला आहे. या कथित भ्रष्टाचाराविरोधात आणि फसवणूक झालेल्या महिला चालकांना न्याय मिळवून देण्यासाठी मंगळवार, ५ मे रोजी सकाळी ११ वाजता पिंपरी येथे रिक्षासह धडक मोर्चा काढण्यात येणार असल्याची माहिती महाराष्ट्र रिक्षा पंचायतचे अध्यक्ष डॉ. बाबा कांबळे यांनी दिली. डॉ. बाबासाहेब आंबेडकर पुतळा चौक येथून सुरू होणारा हा मोर्चा ‘ग्रीन कॅनेटी’ कंपनीच्या शोरूमपर्यंत जाणार असून, फसवणूक झालेल्या महिला त्यांच्या नादुरुस्त रिक्षांसह आंदोलनात सहभागी होणार आहेत. कंपनी मालक आणि…
पिंपरी, (महाराष्ट्र ब्रेकिंग न्यूज) – ‘प्रत्येकाच्या योगदानातून हे राष्ट्र मोठे झाले पाहिजे!’ असे आवाहन मन:शक्ती केंद्राच्या प्रा. डॉ. मंगला पानसरे यांनी गणेशनगर, थेरगाव येथे केले. एक मे महाराष्ट्र दिन, जागतिक कामगारदिन आणि बुद्ध पौर्णिमेचे औचित्य साधून क्रांतिवीर चापेकर स्मारक समिती संचलित खिंवसरा पाटील शिक्षण संकुल येथे आयोजित करण्यात आलेल्या विशेष कार्यक्रमात प्रमुख पाहुण्या म्हणून प्रा. डॉ. मंगला पानसरे यांनी मार्गदर्शन केले. याप्रसंगी शाळेचे माजी विद्यार्थी दिनेश जगताप, माध्यमिक विभागाच्या प्र. मुख्याध्यापिका सुनीता घोडे, प्राथमिक विभागाच्या प्र. मुख्याध्यापिका मंजुषा गोडसे आणि प्रा. खुशाल पानसरे यांची व्यासपीठावर प्रमुख उपस्थिती होती. प्रा. डॉ. मंगला पानसरे यांनी, ‘मानवता, राष्ट्र, व्यक्ती कल्याण नमस्तू!’ या प्रार्थनेने…
पिंपरी, (महाराष्ट्र ब्रेकिंग न्यूज) – केंद्र सरकारने पारंपरिक कामगार कायदे रद्द करून भांडवलदारांच्या फायद्यासाठी नवीन कायदे आणले आहेत. यामुळे कामगारांचे आर्थिक, सामाजिक शोषण होणार आहे. हे काळे कायदे मागे घेऊन पारंपरिक कामगार कायद्यांची अंमलबजावणी करण्यात यावी यासाठी सर्व कामगारांनी वज्रमूठ करावी असे आवाहन कामगार संघटना संयुक्त कृती समितीचे पुणे जिल्हा अध्यक्ष व इंटक पुणे जिल्हा अध्यक्ष डॉ. कैलास कदम यांनी केले. जागतिक कामगार दिनानिमित्त शुक्रवारी इंटक कामगार संघटनेच्या वतीने शुक्रवारी (दि.१ मे) सकाळी भक्ती शक्ती चौक ते पिंपरी पर्यंत दुचाकी रॅली काढण्यात आली. पिंपरीतील भारतरत्न डॉ. बाबासाहेब आंबेडकर पुतळा चौकात रॅलीचे रूपांतर सभेत झाले. यावेळी कामगारांना डॉ. कैलास कदम यांनी…
पिंपरी, (महाराष्ट्र ब्रेकिंग न्यूज) – साहित्य, सांस्कृतिक क्षेत्रा बरोबरच विविध क्षेत्रात मुशाफिरी करणारे थेरगाव चे जेष्ठ सामाजिक कार्यकर्ते संभाजी बाळासाहेब बारणे यांनी छत्रपती शिवाजी महाराज यांच्या जीवन चरित्रावर विविध लेखकांनी लिहिलेल्या, ९ भाषेतील ५५१ पुस्तकांचा संग्रह जमा केला आहे. यामध्ये मराठी, हिंदी, इंग्रजी, संस्कृत, कन्नड, तमिळ, तेलगू, गुजराती आणि सिंधी भाषेतील पुस्तकांचा समावेश आहे. संभाजी बारणे यांच्या या पुस्तक संग्रहाची “इंडिया बुक ऑफ रेकॉर्ड” मध्ये यथोचित नोंद करण्यात आली आहे. तसे प्रमाणपत्र, स्मृतिचिन्ह नुकतेच बारणे यांना इंडिया बुक ऑफ रेकॉर्डच्या समितीच्या वतीने २५ मार्च २०२६ रोजी प्रदान करण्यात आले आहे. छत्रपती शिवाजी महाराज यांच्या जीवनावर आधारित अशा प्रकारचा पुस्तक संग्रह…
पिंपरी, (महाराष्ट्र ब्रेकिंग न्यूज) – महाराष्ट्र राज्य माध्यमिक व उच्च माध्यमिक मंडळाच्या वतीने घेण्यात आलेल्या बारावी परीक्षेत पिंपरी चिंचवड एज्युकेशन ट्रस्टच्या रावेत येथील एस. बी. पाटील ज्यु कॉलेज वाणिज्य शाखेचा १०० टक्के आणि विज्ञान शाखेचा ९८.८७ टक्के निकाल लागला आहे. विज्ञान शाखेच्या अनुष्का पोळ ९३ टक्के गुण मिळवून विद्यालयात प्रथम मिळवला. अनिशा काळे ९१.८३ टक्के गुण द्वितीय तर प्रांजल थोरात ८७.३३ टक्के गुण मिळवून तृतीय आली. तसेच वाणिज्य शाखेतील कार्तिक शेळके आणि मानसी सावंत यांनी ८८.८३ टक्के गुण मिळवून प्रथम क्रमांक मिळवला. रोहिणी मुदलियार ८८.३३ टक्के गुण मिळवून द्वितीय तर रितिका अमावासी ८७.६७ टक्के गुण मिळवून तृतीय आली. उत्तीर्ण विद्यार्थ्यांचे…
पिंपरी, (महाराष्ट्र ब्रेकिंग न्यूज) – कामगार साहित्यिक श्रमश्री बाजीराव सातपुते यांच्या सहचारिणी नीता सातपुते यांना गुरुवार, दिनांक ३० एप्रिल २०२६ रोजी ऑटोक्लस्टर सभागृह, सायन्स पार्कसमोर, चिंचवड येथे ‘मास्तरांची सावली कृष्णाबाई नारायण सुर्वे’ पुरस्काराने सन्मानित करण्यात आले; तर उद्योजक भगवान पठारे यांना पद्मश्री नारायण सुर्वे कृषी – उद्योग जीवनगौरव सन्मान प्रदान करून सन्मानित करण्यात आले. त्याचबरोबर प्राचार्य शंकर देवरे (पद्मश्री नारायण सुर्वे भला माणूस सन्मान), अरुण गराडे (पद्मश्री नारायण सुर्वे जन्मशताब्दी सन्मान), संगीता झिंजुरके (पद्मश्री नारायण सुर्वे काव्यप्रतिभा पुरस्कार) तसेच डॉ. स्वाती पाटील आणि नीलेश शेंबेकर यांना (पद्मश्री नारायण सुर्वे साहित्य पुरस्कार) प्रदान करून सन्मानित करण्यात आले. मराठी विश्वकोश मंडळाचे माजी…
ज्ञानेश्वरी ही एक जीवनप्रणाली! – डाॅ. भावार्थ देखणे जिजाऊ व्याख्यानमाला – अंतिम पुष्प पिंपरी, (महाराष्ट्र ब्रेकिंग न्यूज) – ‘भक्तीसोबतच माणसाला कर्मप्रवण करणारी ज्ञानेश्वरी ही एक जीवनप्रणाली आहे!’ असे प्रतिपादन डॉ. भावार्थ देखणे यांनी चापेकर स्मारक उद्यान, चापेकर चौक, चिंचवडगाव येथे गुरुवार, दिनांक ३० एप्रिल २०२६ रोजी केले. गांधीपेठ तालीम मित्रमंडळ आणि अनंत नागरी सहकारी पतसंस्था यांच्या संयुक्त विद्यमाने आयोजित पाच दिवसीय जिजाऊ व्याख्यानमालेत ‘एक तरी ओवी अनुभवावी!’ या विषयावरील अंतिम पुष्प गुंफताना डॉ. भावार्थ देखणे बोलत होते. चिंचवडगाव पोलीस स्थानकातील पोलीस निरीक्षक दत्ता चासकर, नगरसेविका अपर्णा डोके, सामाजिक कार्यकर्त्या गीतल गोलांडे, गांधीपेठ तालीम मित्रमंडळाचे अध्यक्ष राजाभाऊ गोलांडे, कार्याध्यक्ष ॲड. विपुल…
श्रीमंत दगडूशेठ हलवाई सार्वजनिक गणपती ट्रस्ट ; पुष्टिपती विनायक अवतार पुणे, (महाराष्ट्र ब्रेकिंग न्यूज) – उन्हाच्या काहिलीपासून भक्तांचे रक्षण व्हावे आणि दुष्काळ, पाण्याचे दुर्भिक्ष, शेतकऱ्यांच्या समस्या दूर व्हाव्या, असे मागणे मागत दगडूशेठ गणपती बाप्पांना शहाळे महोत्सवात ५ हजार शहाळ्यांचा महानैवेद्य दाखविण्यात आला. शिव-पार्वतीच्या घरी वैशाख शुद्ध पौर्णिमेच्या शुभदिनी दुर्मती राक्षसाच्या वधार्थ पुष्टिपती विनायक हा अवतार झाला. त्यानिमित्ताने मंदिरात शहाळे महोत्सव आयोजित करण्यात आला. श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे मंदिरात शहाळे महोत्सव आयोजित करण्यात आला. वैशाख शुद्ध पौर्णिमेला सूर्योदयाच्यावेळी गणेश जन्माची पूजा व अभिषेक झाला. तसेच पं. रघुनंदन पणशीकर यांनी गायनसेवा अर्पण केली. मंदिरामध्ये गणेशयाग देखील…
उपमहापौर शर्मिला बाबर यांच्या हस्ते सन्मान सोहळा संपन्न पिंपरी,(महाराष्ट्र ब्रेकिंग न्यूज ) – पिंपरी चिंचवड महानगरपालिकेच्या सेवेतून सेवानिवृत्त होणा-या अधिकारी व कर्मचारी यांनी कार्यरत असताना प्रामाणिकपणा व निष्ठेने दिलेल्या सेवा व योगदानामळे संस्थेची भक्कम पायाभरणी झाली असे प्रतिपादन उपमहापौर शर्मिला बाबर यांनी केले व त्यांचेप्रती कृतज्ञता व्यक्त केली. महानगरपालिकेच्या वतीने आयोजित सन्मान समारंभात माहे एप्रिल २०२६ अखेर नियत वयोमानानुसार तसेच स्वेच्छानिवृत्ती घेतलेल्या अधिकारी व कर्मचाऱ्यांचा मुख्य प्रशासकीय इमारतीतील दिवंगत मधुकर पवळे सभागृहात उपमहापौर शर्मिला बाबर यांच्या हस्ते सत्कार करण्यात आला त्यावेळी त्या बोलत होत्या. या कार्यक्रमास सत्तारूढ पक्षनेते प्रशांत शितोळे, नगरसेवक कुशाग्र कदम, उत्तम केंदळे, सहाय्यक आयुक्त तानाजी नरळे, मुख्य…
आरोग्य सुविधांचा घेतला सखोल आढावा; रुग्णांशी साधला थेट संवाद पिंपरी,(महाराष्ट्र ब्रेकिंग न्यूज) – पिंपरी चिंचवड महानगरपालिकेचे आयुक्त डॉ. विजय सूर्यवंशी यांनी आज शासकीय सुट्टीच्या दिवशी यशवंतराव चव्हाण स्मृती रुग्णालय (वायसीएमएच) आणि पिंपरी चिंचवड महानगरपालिका पदव्युत्तर संस्थेला अचानक भेट देत विविध विभागांची पाहणी केली. यावेळी त्यांनी रुग्णालयातील आरोग्य सुविधा, उपचार व्यवस्था, वैद्यकीय यंत्रणा तसेच नागरिकांना दिल्या जाणाऱ्या सेवांचा सविस्तर आढावा घेतला. आयुक्त डॉ. विजय सूर्यवंशी यांनी अतिदक्षता विभाग (ICU), नवजात शिशु अतिदक्षता विभाग (NICU), मेडिसिन विभाग, शस्त्रक्रिया विभाग, बालरोग विभाग, अस्थिरोग विभाग, कान-नाक-घसा विभाग (ENT), दंतचिकित्सा विभाग, अल्ट्रासोनोग्राफी विभाग (USG), क्ष-किरण विभाग (X-Ray), डायलिसिस विभाग, बाह्यरुग्ण विभाग (OPD), आपत्कालीन विभाग तसेच…