नवी सांगवी, (महाराष्ट्र ब्रेकिंग न्यूज)- नवी सांगवी येथे कृष्णा चौक व काटेपुरम चौक हे दोन प्रमुख वाहतूकीचे मार्ग असल्यामुळे या रस्त्यावर सतत वाहतूक कोंडी होत असून त्याचा त्रास स्थानिक नागरिकांना व त्या मार्गावरून ये जा करण्याकरता लोकांना सहन करावा लागतो.शरदचंद्र पवार चिंचवड विधानसभा,राष्ट्रवादी युवक काँग्रेसचे अध्यक्ष मेघराज लोखंडे यांनी वाहतूक शाखाचे पोलीस उपायुक्त यांना निवेदन दिले आहे.
दिलेल्या निवेदनात म्हटले आहे की, नवी सांगवी येथे कृष्णा चौक व काटेपुरम चौक या दोन प्रमुख चौकात सिग्नल असूनही काही लोक सिग्नलचे पालन करत नाही तसेच रस्त्याच्या दोन्ही बाजूला गाड्या उभ्या राहतात समोरून सिग्नल सुटल्यास येणाऱ्या गाड्यांना जाण्यासाठी जागा नसते. त्यामुळे रस्ता जाम होतो व त्या ठिकाणी अपघात होण्याची दाट शक्यता आहे.
सदर विषयाची माहिती देऊन व उपायुक्त सोबत चर्चा करून त्या ठिकाणी दोन्ही चौकामध्ये सायंकाळी ०६:०० नंतर वाहतूक पोलीस कर्मचारी नेमण्यात यावा अशी देखील विनंती मेघराज लोखंडे यांनी केली.या वेळी गौरव जगताप,चैतन्य जाधव,आशिष जॉय आदी उपस्थित होते.
