प्रतिभा इंटरनॅशनल स्कूल अँड ज्युनिअर कॉलेजमध्ये आषाढी एकादशी निमित्त पालखीची मिरवणूक
चिंचवड ,(महाराष्ट्र ब्रेकिंग न्यूज) – चिंचवड येथील कमला शिक्षण संकुलाचे संस्थापक सचिव डॉ.दीपक शहा यांच्या प्रेरणेने, प्रतिभा इंटरनॅशनल स्कूल अँड ज्युनिअर कॉलेजच्या प्राचार्या सविता ट्रॅव्हीस यांच्या मार्गदर्शनाखाली विद्यालयात आषाढी एकादशीनिमित्त विद्यार्थ्यांनी पालखी मिरवणूक काढली. इयत्ता १ ली ते ९ वी पर्यंतच्या विद्यार्थ्यांनी आषाढी एकादशी निमित्त शालेय व नागरी परिसरात दिंडीची वाजत-गाजत मिरवणूक काढली. शालेय विद्यार्थ्यांनी विठू नामाचा गजर करत माऊली, माऊली नामाचा जयघोष केला.
विद्यालयात सांस्कृतिक कार्यक्रमाचे आयोजन करण्यात आले होते. विद्यार्थी-विद्यार्थिनींनी “हरी पांडुरंग हरी” या गीतावर नृत्य सादर केले.
विद्यार्थ्यांना नृत्य शिक्षक सागर पवार व भारती सोनार व संगीत शिक्षक अथर्व शिंदे यांनी मोलाचे मार्गदर्शन केले. यावेळी कार्यक्रमास प्राचार्या सविता ट्रॅव्हीस, उपप्राचार्या, लिजा सोजू, समन्वयक गुलनाज खान व अमृता कांबळे उपस्थित होत्या. विविध मान्यवरांनी विद्यार्थ्यांच्या सादरीकरणाची स्तुती केली. कार्यक्रमाचे सूत्रसंचालन सुनिता पाटील यांनी केले.
