नाना काटे मित्र परिवार आयोजित रहाटणी पिंपळे सौदागर येथे श्री राम जन्मभुमी प्राणप्रतिष्ठा सोहळा मोठ्या उत्साहात साजरा
पिंपरी, (महाराष्ट्र ब्रेकिंग न्यूज) – अयोध्या राम नगरी येथे प्रभू श्री राम जन्मभुमी प्राणप्रतिष्ठा सोहळा आयोजित करण्यात आला होता, याचे औचित्य साधत त्या निमित्ताने आज दि. २२ जानेवारी २०२४ रोजी रहाटणी व पिंपळे सौदागर येथील रहाटणी मधील श्री राम मंदीर व पिपंळे सौदागर येथील महादेव मंदीर येथे नाना काटे सोशल फाऊंडेशन, उमेश काटे सोशल फाऊंडेशन, सागर कोकणे युवा मंच चा वतीने सामुहीक राम आरती, रामरक्षा पठण, भजन, किर्तन, महाप्रसाद वाटप आदी विविध कार्यक्रम घेण्यात आले होते.
आज राम भजन कार्यक्रम झाल्यानंतर नाना काटे, शितल काटे उमेश काटे, सागर कोकणे यांच्या हस्ते प्रभु श्री राम याच्या मुर्तीची सामुदायिक आरती करण्यात आली, तसेच परिसरातील नागरिकाना आयोध्या येथील सोहळा पाहता यावा यांचे साक्षीदार होता यावे यासाठी कार्यक्रमाचा ठिकाणी एलईडी स्क्रीन द्वारे थेट प्रक्षेपणाचे आयोजन करण्यात आले होते या कार्यक्रमाची सुरूवात २ दिवस पुर्वी सर्वात प्रथम रहाटणी येथील श्री राम मंदीराची स्वच्छता विठ्ठल उर्फ नाना काटे यांच्या हस्ते करून कार्यक्रमाला सुरूवात करण्यात आली होती.
तसेच नाना काटे सोशल फाऊंडेशन व उमेश काटे सोशल फाऊंडेशन चा वतीने रहाटणी पिपंळे सौदागर मधील नागरिकाना घरोघरी जाऊन आयोध्या येथील राम मंदीराची प्रतीकृती, पणतीचे वाटप करण्यात आले या कार्यक्रमास परिसरातील नागरिकांनी भाविकांनी मोठ्या प्रमाणात प्रतिसाद देत महाप्रसादाचा लाभ घेतला, यावेळी परिसरातील रहाटणी, पिंपळे सैदागर मधील भाविक भक्त, भजनी मंडळ, राम मंदीराचे सेवक, शिवशंभो सेवा मंडळांचे सदस्य, नागरिक मोठ्या संख्येने उपस्थित होते.
