पिंपरी, (महाराष्ट्र ब्रेकिंग न्यूज ) – क्रांतीसूर्य महात्मा ज्योतिबा फुले एज्युकेशन फाउंडेशन संचलित न्यू सिटी प्राईड इंग्लिश मिडीयम स्कूल येथे मतदान जनजागृती व प्रभात फेरी काढण्यात आली प्रमुख पाहुणे चिंचवडचे इलेक्शन नोडल अधिकारी श्री राजू घुले, दीपक यन्नावार, मनोज माचरे , अंकुश गायकवाड, गणेश लिंगडे, प्रिन्स सिंह, सचिन लोखंडे, पांडुरंग जाधव, पल्लवी गायकी, ज्योती पाटील, संजू भट ,विजय वाघमारे तसेच संस्थेचे संस्थापक अरुण चाबुकस्वार शाळेचे उपमुख्याध्यापक सचिन कळसाईत उपस्थित होते.
मतदानाचा हक्क आणि कर्तव्य या बाबत न्यू सिटी प्राईड स्कूल ते शिवार गार्डन अशी मतदान जनजागृती व प्रभात फेरी काढण्यात आली
प्रत्येक नागरिकाला मतदार म्हणून नोंदणी करण्यासाठी आणि प्रत्येक निवडणुकीत माहितीपूर्ण आणि नैतिक पद्धतीने मतदान करण्यासाठी प्रबोधन व्हावे, तसेच निवडणूक आणि लोकशाहीमध्ये नागरिकांचा सार्वत्रिक आणि प्रबुद्ध सहभाग वाढवा या हेतूने निवडणूक आयोगाने स्वीप कार्यक्रम सुरू केला आहे. या उपक्रमातून मतदान कसे करावे, भ्रष्ट व्यवहारांना आळा घालण्यासाठी निवडणूक यंत्रणेला कशी मदत करावी, याची माहिती सर्वसामान्य मतदारांच्या जनजागृतीसाठी सुरू केलेल्या या उपक्रमाच्या माध्यमातून नागरिकांना माहिती देण्यासाठी मतदान जनजागृती आणि प्रभात फेरी काढण्यात आली
विद्यार्थ्यांनी विविध फलक दाखवत नागरिकांना विधानसभा निवडणुकीत मतदान का करावे ! याबाबतची सचित्र माहिती त्या फलकावर दिली होती. तसेच या फलकाद्वारे मतदानाबाबत लोकांमध्ये जागरूक करीत होते. ज्येष्ठ नागरिकांना मतदान करण्याविषयी प्रोत्साहन केले तसेच सोसायटीमध्ये लोकांना मतदान करण्यासाठी प्रोत्साहित व मार्गदर्शन करण्यात आले. यावेळी विद्यार्थी मोठ्या संख्येने उपस्थित होते तसेच शिक्षक व शिक्षकेतर कर्मचारी हे उपस्थित होते.
