Author: maharashtrabreakingnews.com
पिंपरी, (महाराष्ट्र ब्रेकिंग न्यूज) – अनुसूचित जातींमध्ये अ.ब.क.ड. उपवर्गीकरणाची अंमलबजावणी तातडीने करण्यात यावी, या प्रमुख मागणीसाठी पिंपरी-चिंचवड शहरात भव्य मागणी निदर्शने आंदोलन आयोजित करण्यात आले. निगडी येथील तहसीलदार कार्यालय व ‘फ’ क्षेत्रीय कार्यालयासमोर झालेल्या या आंदोलनात मातंग समाजासह विविध पोटजातींच्या प्रतिनिधींनी मोठ्या संख्येने सहभाग नोंदवत शासनाचे लक्ष वेधले. या आंदोलनात पिंपरी-चिंचवड शहरातील विविध समाजबांधव, मातंग समाजातील संघटनांचे पदाधिकारी, कार्यकर्ते, तसेच आद्य क्रांतीगुरु लहुजी वस्ताद साळवे विचार प्रबोधन पर्व आणि साहित्यरत्न लोकशाहीर डॉ. अण्णा भाऊ साठे प्रबोधन पर्वचे आजी-माजी अध्यक्ष, पदाधिकारी आणि आजी-माजी नगरसेवक मोठ्या संख्येने सहभागी झाले होते. आंदोलनाच्या माध्यमातून अनुसूचित जातींतील दुर्लक्षित घटकांना न्याय मिळावा, तसेच शासकीय योजनांचा समान…
पिंपरी, (महाराष्ट्र ब्रेकिंग न्यूज) – महाराष्ट्र नवनिर्माण सेनेचे अध्यक्ष राज ठाकरे यांच्या आदेशानुसार मनसे नेते अमित राज ठाकरे, अविनाश अभ्यंकर आणि राज्य सरचिटणीस अजय खोपकर यांची पुणे जिल्हा संपर्क प्रमुखपदी नियुक्ती करण्यात आल्यानंतर अमित ठाकरे यांनी प्रथमच पिंपरी-चिंचवड शहराचा दौरा केला. या दौऱ्यात त्यांनी शहरातील मनसे पदाधिकारी, विविध आघाड्यांचे कार्यकर्ते आणि मनसैनिकांच्या बैठका घेत पक्षबांधणीचा आढावा घेतला. यावेळी महाराष्ट्र नवनिर्माण सेना, विद्यार्थी सेना, वाहतूक सेना, कर्मचारी सेना, चित्रपट सेना, जनहित व विधी कक्षा तसेच महिला सेनेच्या स्वतंत्र बैठका पार पडल्या. प्रत्येक मनसैनिकाशी ‘वन टू वन’ संवाद साधत पक्ष संघटन, महानगरपालिकेतील कामकाज आणि शहरातील राजकीय परिस्थितीवर सविस्तर चर्चा करण्यात आली. अमित…
महाराष्ट्रालाच नव्हे तर संपूर्ण भारताला हेवा वाटेल असे स्मारक उभारू – अण्णा बनसोडे माता रमाई स्मारकाच्या भूमिपूजनाच्या पार्श्वभूमीवर पाहणी व आढावा पिंपरी, दि. २७ एप्रिल २०२६ : पिंपरी येथे उभारण्यात येत असलेल्या त्यागमूर्ती माता रमाई भीमराव आंबेडकर सृष्टी प्रकल्प शहरातील आंबेडकरी जनतेच्या तब्बल २२ वर्षांच्या संघर्षलढ्याचे यश आहे. हा आनंदाचा क्षण असून महाराष्ट्रालाच नव्हे तर संपूर्ण भारताला हेवा वाटेल असे रमाई स्मारक उभारू, असे प्रतिपादन राज्याच्या विधानसभेचे उपाध्यक्ष अण्णा बनसोडे यांनी केले. रमाई भीमराव आंबेडकर सृष्टी प्रकल्पाचे भूमिपूजन उद्या २८ एप्रिलला होत आहे, या पार्श्वभूमीवर बनसोडे यांनी या स्मारकस्थळाची पाहणी करून कामाचा सविस्तर आढावा घेतला. त्यावेळी ते बोलत होते. यावेळी…
पिंपरी, (महाराष्ट्र ब्रेकिंग न्यूज) – पिंपरी चिंचवड शहर जिल्हाच्या वतीने (दिनांक २७ एप्रिल)शहरातील आजी माजी नगरसेवक पदाधिकारी कार्यकर्ते यांच्यावतीने पक्षाच्या राष्ट्रीय अध्यक्षा तथा राज्याच्या उप मुख्यंमत्री सुनेत्रावहिनी अजित पवार तसेच राज्यसभा खासदार पार्थ पवार यांची मुंबई येथील देवगिरी या निवासस्थानी शिष्ट मंडळासमवेत भेट झाली. तसेच आघामी विधान परिषदेच्या निवडणुकीच्या अनुषंगाने पिंपरी चिंचवड शहराला संधी देणेबाबत एक मताने शहराध्यक्ष, मा.महापौर योगेश बहल यांचे नाव देण्यात आले. योगेश बहल यांनी सन १९९२ पासून आज तागायत सलग ७ वेळा निवडून येत एक अभ्यासू नगरसेवक म्हणून तसेच विविध पदांची जबाबदारी सांभाळली त्यामध्ये शहराध्यक्ष, महापौर, सभागृह नेता, स्थायी समिती अध्यक्ष अशा विविध पदांवर त्यांनी काम…
पिंपरी चिंचवड महानगरपालिकेच्या विविध विकास कामांचा राज्यमंत्री माधुरी मिसाळ यांच्याकडून सविस्तर आढावा पिंपरी,(महाराष्ट्र ब्रेकिंग न्यूज)- पिंपरी चिंचवड शहराच्या विकासकामांमध्ये गुणवत्ता आणि पारदर्शकता राखणे अत्यंत महत्त्वाचे आहे. सर्व प्रकल्प वेळेत पूर्ण करून नागरिकांना मूलभूत सुविधा अधिक प्रभावीपणे उपलब्ध करून द्याव्यात तसेच महानगरपालिका, पुणे महानगर प्रदेश विकास प्राधिकरण व पुणे महानगर परिवहन महामंडळ यांनी विविध विभागांमध्ये समन्वय ठेवून शहरातील विकास कामांचा वेग वाढविण्याचे आणि प्रलंबित कामे प्राधान्याने पूर्ण करण्याचे निर्देश राज्याच्या नगरविकास, परिवहन, सामाजिक न्याय, वैद्यकीय शिक्षण, अल्पसंख्यांक विकास व औकाफ विभागाच्या राज्यमंत्री माधुरी मिसाळ यांनी दिले. पिंपरी चिंचवड महानगरपालिकेच्या दिवंगत महापौर मधुकरराव पवळे सभागृहात राज्याच्या नगरविकास, परिवहन, सामाजिक न्याय, वैद्यकीय शिक्षण,…
पिंपरी, (महाराष्ट्र ब्रेकिंग न्यूज) – भारतीय संगीत क्षेत्रातील देदीप्यमान नक्षत्र आणि गानसम्राज्ञी आशा भोसले यांच्या जादुई स्वरांना मानवंदना देण्यासाठी पिंपरी चिंचवडमध्ये ‘सूर आशा – A Tribute to Asha Bhosle’ या विशेष सांगीतिक कार्यक्रमाचे आयोजन करण्यात आले आहे. या कार्यक्रमाद्वारे आशा भोसले यांना सांगीतिक श्रद्धांजली अर्पण करण्यात येणार आहे. गुरुवार, दि. ३० एप्रिल २०२६ रोजी सायंकाळी ५ ते ८ या वेळेत चिंचवड येथील प्रा.रामकृष्ण मोरे प्रेक्षागृहात ही स्वराजंली संपन्न होणार आहे. हा कार्यक्रम मोरया थियएर्स निर्मित असून नियोजन अखिल भारतीय मराठी नाट्य परिषद, पिंपरी चिंचवड शाखा, पिंपरी चिंचवड कलारंग प्रतिष्ठान, सिद्धिविनायक ग्रुप आणि कोहिनूर ग्रुप यांच्या संयुक्त विद्यमाने करण्यात येणार आहे.…
पिंपरी,(महाराष्ट्र ब्रेकिंग न्यूज) – पिंपरी चिंचवड महापालिकेच्या वतीने निगडी जलशुद्धीकरण केंद्र येथे करण्यात येणाऱ्या स्थापत्य व विद्युत विषयक देखभाल-दुरुस्तीच्या कामामुळे आज मंगळवार, दिनांक २८ एप्रिल २०२६ रोजी पिंपरी चिंचवड शहरातील सर्व भागांचा सायंकाळचा पाणीपुरवठा बंद राहणार आहे. तसेच दुसऱ्या दिवशी म्हणजेच बुधवार, दिनांक २९ एप्रिल २०२६ रोजी सकाळचा पाणीपुरवठा अनियमित व कमी दाबाने होईल. तरी नागरिकांनी उपलब्ध पाण्याचा पुरेसा साठा करून काटकसरीने वापर करून सहकार्य करावे, असे आवाहन महापालिकेच्या पाणीपुरवठा विभागाच्या वतीने करण्यात आले आहे. पिंपरी चिंचवड शहराच्या पाणीपुरवठा व्यवस्थेमध्ये खंड पडू नये, यासाठी वेळोवेळी पाणीपुरवठा यंत्रणेची देखभाल व दुरुस्ती करणे आवश्यक असते. त्या अनुषंगाने पिंपरी चिंचवड महापालिकेच्या पाणीपुरवठा विभागामार्फत…
पिंपरीतील डॉ. डी. वाय. पाटील विद्यापीठात आयोजन पिंपरी, (महाराष्ट्र ब्रेकिंग न्यूज) – भारतीय उच्च शिक्षण क्षेत्रातील सर्वोच्च संस्था असलेल्या ‘भारतीय विद्यापीठ संघाची’ (Association of Indian Universities – AIU) ऐतिहासिक १०० वी वार्षिक सर्वसाधारण सभा आणि कुलगुरूंची राष्ट्रीय परिषद यंदा पुण्यातील डॉ. डी. वाय. पाटील विद्यापीठ (अभिमत विद्यापीठ), पिंपरी, पुणे येथे आयोजित करण्यात आली आहे. २८ ते ३० एप्रिल २०२६ या कालावधीत होणाऱ्या या परिषदेत देशभरातील विद्यापीठांचे कुलगुरू आणि शिक्षणतज्ज्ञ उपस्थित राहणार आहेत. १९२५ मध्ये स्थापन झालेल्या AIU चे हे शताब्दी वर्ष असल्याने या सभेला विशेष महत्त्व प्राप्त झाले आहे. या महत्त्वपूर्ण परिषदेचे यजमानपद डॉ. डी. वाय. पाटील विद्यापीठ, पिंपरी, पुणे…
पिंपरी, (महाराष्ट्र ब्रेकिंग न्यूज) – पिंपरी-चिंचवड शहराची तहान भागविणाऱ्या पवना धरणात 39 टक्के पाणीसाठा शिल्लक आहे. तीव उन्हामुळे बाष्पीभवन होत असल्याने तसेच, पाण्याची मागणी वाढल्याने धरणातील पाण्याचा साठा झपाट्याने कमी होत आहे. हा साठा पिंपरी-चिंचवड शहराला तसेच, इतर भागांना पावसाळ्यापर्यंत म्हणजे जूनअखेरपर्यंत पुरेल इतका असल्याचे अधिकाऱ्यांनी सांगितले. मावळ तालुक्यातील पवनानगर येथील पवना धरणातून 30 लाखांपेक्षा अधिक लोकसंख्या असलेल्या पिंपरी-चिंचवड शहराला पाणीपुरवठा केला जातो. महापालिकेकडून पवना नदीवरील रावेत येथील बंधाऱ्यातून दररोज 520 एमएलडी पाणी उचलले जाते. पाण्यावर प्रक्रिया करून पिण्यायोग्य पाणी संपूर्ण शहराला पुरवले जाते. एमआयडीसीकडून 30 एमएलडी पाणी घेऊन शहरातील काही भागास पुरवले जाते. आंद्रा धरण पाणी योजनेअंतर्गत निघोजे येथील…
पिंपरी, (महाराष्ट्र ब्रेकिंग न्यूज) – उन्हाच्या झळा तीव होऊ लागल्याने शहर परिसराचा तापमानाचा पारा 41 अंशावर पोचला. एप्रिल महिन्यातील सर्वाधिक तापमानाची नोंद या वेळी झाली आहे. वाढत्या झळांमुळे शहरवासीय पुरते हैराण झाले आहेत. आधीच उकाड्याने हैराण नागरिक उष्णतेची लाट ओसरण्याची वाट पाहत आहेत. सकाळी नऊ वाजताच उन्हाच्या काहिलीने नकोसे वाटत आहे. दहानंतर कामासाठी बाहेर पडणाऱ्यांना उकाड्याचा त्रास सहन करावा लागत आहे. दुपारी 12 नंतर रस्त्यावर तुरळक गर्दी दिसत आहे. नागरिकदेखील दुपारी कामे करणे शक्यतो टाळत आहेत. दिवसेंदिवस तापमानाचा पारा वाढत आहे. तापमान 38 ते 40 अंशाच्या दरम्यान असल्याने दुकानचालकदेखील उकाड्याने दुपारी दुकाने बंद ठेवण्यास प्राधान्य देत आहेत. शनिवारी तापमानाने उच्चांक…