Author: maharashtrabreakingnews.com
रहिवासी भागामध्ये दारू दुकानांना परवानगी देणाऱ्या ‘ त्या’ अधिकाऱ्यांवर कारवाई होणार काळेवाडी–रहाटणी परिसरातील दोन दारू दुकानांचे परवाने निलंबित पिंपरी, (महाराष्ट्र ब्रेकिंग न्यूज) – काळेवाडी–रहाटणी परिसरातील दोन दारू दुकानांवर कठोर कारवाई करत त्यांचे परवाने नवीन जागा मिळेपर्यंत निलंबित केले आहेत. याच प्रश्नावरून आमदार शंकर जगताप यांनी विधिमंडळाचे लक्ष वेधल्यानंतर राज्याचे उपमुख्यमंत्री तथा उत्पादन शुल्क मंत्री अजित पवार यांनी दारू दुकानांसाठी कडक नियमावली देखील सभागृहासमोर ठेवली आहे. यापुढे सोसायटीच्या एनओसी शिवाय दारू दुकानांना परवानगी मिळणार नाही. मुख्य म्हणजे निलंबित करण्यात आलेल्या दारू दुकानांना नवीन जागेत स्थलांतर करण्यासाठी सोसायटी किंवा ज्या जागेवर दुकान सुरू करायचे आहे त्याच जागेची शहानिशा करून संबंधित अधिकारी…
कारखान्यांच्या “सेफ्टी ऑडिट” लक्षवेधी प्रश्नावर कामगार मंत्री आकाश फुंडकर यांचे उत्तर सुरक्षित साधनांशिवाय काम करताना कामगार आढळल्यास कंपन्यांवर थेट खटला दाखल होणार पिंपरी, (महाराष्ट्र ब्रेकिंग न्यूज) – औद्योगिक अस्थापनांमधील कामगारांच्या सुरक्षेबाबत आमदार शंकर जगताप यांनी मांडलेल्या लक्षवेधीवर कामगार मंत्र्यांकडून मोठा निर्णय विधीमंडळासमोर मांडण्यात आला. यापुढे ‘व्यावसायिक सुरक्षा आरोग्य व कामाची स्थिती संहिता 2020 लागू झाल्याने कारखाने निरीक्षणासाठी नवीन धोरण” तयार करण्याची कार्यवाही सुरू असल्याचे कामगार मंत्री आकाश फुंडकर यांनी सभागृहाला उत्तर दिले. तसेच कामगारांच्या सुरक्षेसाठी राज्यातील सर्व कारखान्यांची विशेष तपासणी मोहीम राबवली जाणार आहे. विनापरवाना सुरक्षित साधनांशिवाय कामगार काम करताना आढळल्यास कंपनीवर थेट दंडात्मक खटला दाखल करण्यात येईल असे देखील…
पिंपरी, (महाराष्ट्र ब्रेकिंग न्यूज) – शिवसेना (उद्धव बाळासाहेब ठाकरे) पक्षाचे युवासेना पिंपरी चिंचवड उपशहरप्रमुख निखिल उमाकांत दळवी यांनी आरक्षित भूखंडावर झालेल्या धक्काबुक्की, शिवीगाळ आणि जीवे मारण्याच्या धमकीप्रकरणी पोलीस आयुक्तांकडे तक्रार दाखल केली आहे. या प्रकरणी गिरीश गोपाळ कुटे यांच्यावर दखलपात्र गुन्हा नोंदवून कठोर कारवाई करण्याची मागणी करण्यात आली आहे. दळवी यांनी तक्रारीत नमूद केले आहे की, ठाकरे शिवसेना चषक हाफ पीच क्रिकेट टूर्नामेंट आयोजित करण्यासाठी पिंपरी चिंचवड मनपाकडून आकुर्डीतील विठ्ठलवाडी परिसरातील संत तुकाराम महाराज पालखी तळ हा आरक्षित भूखंड १० ते १५ डिसेंबरदरम्यान — म्हणजे पाच दिवसांसाठी — अधिकृतपणे भाडेतत्त्वावर घेतला होता. भाडे रक्कम 13,080 रुपये मनपाला भरल्याचेही…
पिंपरी, (महाराष्ट्र ब्रेकिंग न्यूज) – प्रभाग क्रमांक ६ मधील सक्रिय आणि तरुण नेतृत्व म्हणून ओळख असलेले सुमित सतिश ‘आण्णा’ लांडगे यांची भाजपा युवा मोर्चा धावडे वस्ती, इंद्रायणी नगर, नेहरुनगर मंडळ अध्यक्षपदी निवड करण्यात आली. स्थानिक पातळीवरील पक्ष संघटन बळकटीसाठी झालेल्या युवक बैठकीत हा निर्णय जाहीर करण्यात आला. युवा कार्यकर्त्यांमध्ये सातत्याने संपर्क, सामाजिक उपक्रमांमध्ये सहभाग आणि संघटनेच्या वाढीसाठी केलेल्या कामाचा सकारात्मक परिणाम म्हणून लांडगे यांच्या नावावर एकमुखी मतप्रमाण दिसून आले. त्यांच्या निवडीचे स्थानिक तरुण कार्यकर्त्यांसह नागरिकांकडून स्वागत करण्यात येत आहे. नव्या नियुक्तीनंतर प्रतिक्रिया देताना सुमित लांडगे म्हणाले की, “पक्षाच्या विश्वासाला तडा जाऊ देणार नाही. प्रभागातील युवकांच्या प्रश्नांवर प्रभावीपणे आवाज…
पिंपरी, (महाराष्ट्र ब्रेकिंग न्यूज) – रयत शिक्षण संस्थेच्या महात्मा फुले महाविद्यालय, पिंपरी येथील भाषा विभाग व आय.क्यू.ए.सी. यांच्या संयुक्त विद्यमाने “भाषा व साहित्यामधील भाषांतराची भूमिका” या विषयावर एकदिवसीय आंतरविद्याशाखीय राष्ट्रीय परिषद गुरुवार, दि. ११ डिसेंबर २०२५ रोजी महाविद्यालयाच्या संभाजीनगर, चिंचवड येथील दुसऱ्या कॅम्पसमध्ये आयोजित करण्यात येत आहे. राष्ट्रीय परिषदेचे उद्घाटन प्राचार्य डॉ. शिवलिंग मेनकुदळे, सह-सचिव, उच्च शिक्षण, रयत शिक्षण संस्था, सातारा यांच्या शुभहस्ते होणार आहे. संजोग वाघेरे-पाटील, सदस्य, जनरल बॉडी, रयत शिक्षण संस्था, सातारा उद्घाटन समारंभाचे प्रमुख् पाहुणे म्हणून उपस्थित राहणार आहेत. कार्यक्रमाचे अध्यक्षस्थान मा. प्रो. (डॉ.) पांडुरंग भोसले, प्राचार्य, महात्मा फुले महाविद्यालय भूषवणार आहेत. उद्घाटन प्रसंगी सतीश गोरडे, अडवोकेट…
पिंपरी, (महाराष्ट्र ब्रेकिंग न्यूज) – समाजामध्ये वाचन संस्कृती रुजविण्याच्या उद्देशाने “शांतता पुणेकर वाचत आहेत” या विश्वविक्रमी उपक्रमात पिंपळे सौदागर येथील ऑल सिनियर सिटीझन असोसिएशनच्या सदस्यांनी उत्स्फूर्त सहभाग नोंदवित उन्नती सोशल फाउंडेशनच्या विठाई वाचनालयात सामुहिक पुस्तक वाचन केले. राष्ट्रीय पुस्तक ट्रस्ट, शिक्षण मंत्रालय भारत सरकार आणि महाराष्ट्र शासन यांच्या संयुक्त विद्यमाने दि.१३ ते २१ डिसेंबर या कालावधीत पुस्तक महोत्सवाचे आयोजन करण्यात आले आहे. त्या महोत्सवाचा एक भाग म्हणून “शांतता पुणेकर वाचत आहेत” या उपक्रमात मंगळवार दि.९ रोजी ऑल सिनियर सिटीझन असोसिएशनचे अध्यक्ष डॉ. सुभाष पवार यांच्या मार्गदर्शनाखाली सचिव सखाराम ढाकणे तसेच रमेश वाणी, रमेश चांडगे, अशोक येळंमकर, अनिलकुमार शाह, दिलीप चौगुले…
चिंचवड, (महाराष्ट्र ब्रेकिंग न्यूज) – युवकांनो शिक्षणाचा आनंद घ्या. हे जीवन पुन्हा आयुष्यात मिळणार नाही. चिकित्सक राहून अभ्यास करा , उद्या स्पर्धा परीक्षेच्या द्वारे तहसीलदार, जिल्हाधिकारी झालात ! तर तुमच्या एका सहीने गावाचे, शहराचे भाग्य बदलेल. कोणत्याही क्षेत्रात जावा, आवडत्या क्षेत्रात कार्यरत रहा. आई-वडिलांना हेवा वाटेल असे काम करा. लक्षात ठेवा आधुनिक तंत्रज्ञानामुळे जग आता एक खेडे झाले आहे .त्यासाठी कौशल्य आत्मकेंद्रीत करा. ही पाच-दहा वर्ष शिक्षणासाठी झोकून द्या त्यासाठी अचूक कौशल्य आत्मसात करा ,अभ्यास करा व आपले भविष्य बदला . स्पर्धेच्या युगात टिकण्यासाठी स्वतःला सिद्ध करण्यासाठी अपेक्षित अचूक ज्ञान आत्मसात करा.,असे आवाहन प्रेरक व्याख्याते गणेश शिंदे यांनी चिंचवड येथे…
*लिफ्ट ऑडिट कामकाजाचे जिल्हास्तरावर विकेंद्रीकरण- आमदार शंकर जगताप* *लिफ्ट दुर्घटनांबाबत आमदार शंकर जगताप यांनी सरकार लिफ्ट ऑडिटसाठी ५१९ कर्मचारी उपलब्ध ; लिफ्ट तपासणीचे होणार अधिक वेगाने पिंपरी, (महाराष्ट्र ब्रेकिंग न्यूज) – पुणे जिल्हा आणि परिसरामध्ये वारंवार लिफ्ट दुर्घटना घडत आहेत. गृहप्रकल्पांमधील उदवाहन (लिफ्ट) अपघातांबाबत आमदार शंकर जगताप यांनी भोसरी चोवीसावाडी येथे दसऱ्याच्या दिवशी घडलेल्या एका दुःखद घटनेकडे नागपूर हिवाळी अधिवेशनात सरकारचे लक्ष वेधले. तारांकित प्रश्न विचारून सर्व हौसिंग सोसायट्यांमधील लिफ्टची तपासणी झाली आहे काय?, तसेच लिफ्टची तपासणी झालेली नसल्यास काय कारवाई करण्यात आली आहे? याची विचारणा केली आहे.आमदार जगताप यांनी विचारलेल्या या तारांकित प्रश्नांवर मुख्यमंत्री व ऊर्जामंत्री देवेंद्र फडणवीस यांनी…
पिंपरी, (महाराष्ट्र ब्रेकिंग न्यूज) – स्वच्छ सर्वेक्षण २०२५ अभियान अधिक प्रभावीपणे व व्यापक पद्धतीने राबविण्याच्या दृष्टीने पिंपरी चिंचवड महापालिकेच्या “अ” क्षेत्रीय कार्यालय, प्रभाग क्रमांक १० अंतर्गत आय.बी.एम.आर कॉलेज, इंदिरानगर येथे आधुनिक कंपोस्ट ड्रमचे लोकार्पण करण्यात आले. यावेळी पिंपरी चिंचवड महानगरपालिका सहा.आरोग्य अधिकारी राजू साबळे यांच्या प्रमुख उपस्थितीत हा उपक्रम उत्साहात पार पडला. महापालिकेच्या स्वच्छता उपक्रमांना बळ देणाऱ्या या कार्यक्रमाद्वारे ओला कचरा जागेवरच प्रक्रिया करून त्याचे उपयुक्त सेंद्रिय खतामध्ये रूपांतर कसे करता येते, याबाबत प्रात्यक्षिकांसह मार्गदर्शन करण्यात आले. विद्यार्थ्यांनी, शिक्षकांनी व उपस्थित नागरिकांनी या शाश्वत उपक्रमात सक्रिय सहभाग नोंदवला. स्वर्णलता मदरसन चॅरिटेबल ट्रस्ट व भारतीय प्रदूषण नियंत्रण संघटना यांच्या संयुक्त…
पिंपरी, (महाराष्ट्र ब्रेकिंग न्यूज) – पिंपरी चिंचवड महानगरपालिकेच्या नियोजित सार्वत्रिक निवडणुकीसाठी प्रभागनिहाय विभाजित प्रारूप मतदार यादीवरील प्राप्त हरकती व सूचनांच्या परीक्षणाची प्रक्रिया पूर्ण करण्यासाठी राज्य निवडणूक आयोगाने १५ डिसेंबर २०२५ पर्यंतची मुदतवाढ दिली आहे. याआधी महापालिका सार्वत्रिक निवडणुकीसाठी प्रभागनिहाय अंतिम मतदार यादी प्रसिद्ध करण्याची पूर्वनिर्धारित तारीख १० डिसेंबर २०२५ होती. राज्य निवडणूक आयोगाने जारी केलेल्या सुधारित कार्यक्रमानुसार, प्रभागनिहाय अंतिम मतदार यादी १५ डिसेंबर २०२५ रोजी प्रसिद्ध केल्यानंतर मतदान केंद्रांच्या ठिकाणांची यादी २० डिसेंबर २०२५ रोजी प्रसिद्ध केली जाणार आहे, तर मतदान केंद्रनिहाय मतदार यादी ही २७ डिसेंबर २०२५ रोजी प्रसिद्ध केली जाणार आहे. सुधारित कार्यक्रमानुसार संबंधित प्रशासकीय प्रक्रिया आणि…