Author: maharashtrabreakingnews.com
पिंपरी, (महाराष्ट्र ब्रेकिंग न्यूज) – मधुश्री कला आविष्कार आणि स्वर्गीय दत्तोपंत म्हसकर सार्वजनिक विश्वस्त संस्था, निगडी यांच्या संयुक्त विद्यमाने आयोजित तीन दिवसीय मधुश्री व्याख्यानमालेचा प्रारंभ बुधवार, दिनांक ०६ मे २०२६ रोजी होणार आहे. स्वर्गीय दत्तोपंत म्हसकर सार्वजनिक विश्वस्त संस्था सभागृह, प्लॉट क्रमांक ५१३, पेठ क्रमांक २७, संत तुकाराममहाराज उद्यानासमोर, निगडी प्राधिकरण येथे दररोज सायंकाळी ठीक ०६:३० वाजता व्याख्यान सुरू होईल. सोळाव्या वर्षात पदार्पण करीत असलेल्या मधुश्री व्याख्यानमालेत बुधवार, दिनांक ०६ मे रोजी गणेश ठोकळ ‘स्वराज्याचा अपरिचित इतिहास’ या विषयावर प्रथम पुष्पाची गुंफण करतील. लायन्स क्लब इंटरनॅशनलचे माजी रिजन चेअरमन दामाजी आसबे यांची अध्यक्ष आणि नगरसेविका शैलजा मोरे प्रमुख पाहुण्या म्हणून…
पिंपरी (महाराष्ट्र ब्रेकिंग न्यूज) – ‘प्रत्येकाच्या योगदानातून हे राष्ट्र मोठे झाले पाहिजे!’ असे आवाहन मन:शक्ती केंद्राच्या प्रा. डॉ. मंगला पानसरे यांनी गणेशनगर, थेरगाव येथे केले. एक मे महाराष्ट्र दिन, जागतिक कामगारदिन आणि बुद्ध पौर्णिमेचे औचित्य साधून क्रांतिवीर चापेकर स्मारक समिती संचलित खिंवसरा पाटील शिक्षण संकुल येथे आयोजित करण्यात आलेल्या विशेष कार्यक्रमात प्रमुख पाहुण्या म्हणून प्रा. डॉ. मंगला पानसरे यांनी मार्गदर्शन केले. याप्रसंगी शाळेचे माजी विद्यार्थी दिनेश जगताप, माध्यमिक विभागाच्या प्र. मुख्याध्यापिका सुनीता घोडे, प्राथमिक विभागाच्या प्र. मुख्याध्यापिका मंजुषा गोडसे आणि प्रा. खुशाल पानसरे यांची व्यासपीठावर प्रमुख उपस्थिती होती. प्रा. डॉ. मंगला पानसरे यांनी, ‘मानवता, राष्ट्र, व्यक्ती कल्याण नमस्तू!’ या प्रार्थनेने…
साहित्यिक कामगार सन्मान संपन्न, मसाप पिंपरी चिंचवडचा उपक्रम पिंपरी, (महाराष्ट्र ब्रेकिंग न्यूज) – ‘लिखित स्वरूपात कागदावर अवतरते ते साहित्य होय. साहित्याची अनेक प्रकारांमध्ये विभागणी केली जात असली तरी श्रमिकांच्या साहित्यनिर्मितीत वास्तवाची अनुभूती मिळते!’ असे विचार महाराष्ट्र साहित्य परिषद, पुणे अध्यक्ष योगेश सोमण यांनी कवयित्री शांता शेळके सभागृह, निगडी प्राधिकरण येथे (सोमवार, दिनांक ०४ मे) व्यक्त केले. महाराष्ट्र दिन आणि कामगारदिनाचे औचित्य साधून महाराष्ट्र साहित्य परिषद, पिंपरी – चिंचवड शाखेच्या वतीने आयोजित साहित्यिक कामगार सन्मान सोहळ्यात योगेश सोमण बोलत होते. ज्येष्ठ साहित्यिक पद्मश्री गिरीश प्रभुणे अध्यक्षस्थानी होते; तसेच महाराष्ट्र साहित्य परिषद पुणे जिल्हा प्रतिनिधी प्रभाकर ओव्हाळ, मसाप पिंपरी – चिंचवड शाखेचे…
पिंपरी, (महाराष्ट्र ब्रेकिंग न्यूज) – राज्य सरकारच्या महिला व बालविकास विभागामार्फत राबविण्यात आलेल्या ‘पिंक ई-रिक्षा’ योजनेत तब्बल ४०० कोटी रुपयांचा महाघोटाळा झाल्याचा गंभीर आरोप महाराष्ट्र रिक्षा पंचायतचे संस्थापक अध्यक्ष डॉ. बाबा कांबळे यांनी केला आहे. या कथित घोटाळ्याच्या निषेधार्थ आणि फसवणूक झालेल्या महिला रिक्षाचालकांना न्याय मिळवून देण्यासाठी पिंपरीतील डॉ. बाबासाहेब आंबेडकर पुतळा चौक येथे जोरदार आंदोलन करण्यात आले. आंदोलनादरम्यान डॉ. बाबा कांबळे यांनी ‘ग्रीन कॅनिटिक’ कंपनीवर थेट आरोप करत सांगितले की, शासनाच्या मूळ टेंडरमध्ये आधुनिक L-5 श्रेणीतील ई-रिक्षा देणे अपेक्षित होते. मात्र, प्रत्यक्षात महिलांना जुन्या आणि निकृष्ट दर्जाच्या L-3 श्रेणीतील रिक्षा देण्यात आल्या. “सुमारे १.२० लाख रुपये किंमत असलेली रिक्षा…
पिंपरी, (महाराष्ट्र ब्रेकिंग न्यूज) – पश्चिम बंगाल विधानसभा निवडणुकीत भारतीय जनता पार्टीने मिळवलेल्या ऐतिहासिक यशाबद्दल संपूर्ण देशात उत्साहाचे वातावरण असतानाच, पिंपरी-चिंचवड शहर भाजपने मात्र आपली सामाजिक संवेदनशीलता जपली आहे. पंतप्रधान नरेंद्र मोदी आणि गृहमंत्री अमित शाह यांच्या नेतृत्वाखाली मिळालेल्या या मोठ्या विजयाचा कोणताही सार्वजनिक जल्लोष, फटाकेबाजी किंवा गुलाल उधळण न करता, मोरवाडी येथील मुख्य कार्यालयात अत्यंत साधेपणाने भारत माता व जनसंघाचे संस्थापक अध्यक्ष डॉ. श्यामाप्रसाद मुखर्जी यांच्या प्रतिमेचे पूजन करून हा विजय साजरा करण्यात आला. पुणे जिल्ह्यातील नसरापूर येथे एका चिमुकलीवर झालेल्या दुर्दैवी अत्याचाराच्या घटनेमुळे शहर भाजपने हा संवेदनशील निर्णय घेतला. या घटनेचा निषेध व्यक्त करत आणि पीडितेबद्दल सहानुभूती दर्शवत…
पिंपरी, (महाराष्ट्र ब्रेकिंग न्यूज) – महाराष्ट्र राज्यात वाढत्या उन्हाळ्यामुळे (उष्णतेची लाट) असंघटित कामगारांच्या आरोग्यासाठी राज्य सरकारने महत्त्वाचा निर्णय घेतला आहे. यानुसार दुपारी १२ ते ४या वेळेत कामगारांना सक्तीची विश्रांती (सुट्टी) देणे आरोग्याची काळजी घेणे बंधनकारक आहे, मात्र याची अंमलबजावणी होत नाही ती कडक करावी व कामगारांना ओआरएस पावडर देण्यात यावी अशी मागणी कामगार नेते काशिनाथ नखाते यांनी केली आहे. कष्टकरी संघर्ष महासंघ महाराष्ट्र तर्फे अप्पर कामगार आयुक्त , कामगार उप आयुक्त पुणे यांना निवेदन देण्यात आले. कामगार अधिकारी एस.आर.धोत्रे यांनी निवेदन स्वीकारले यात म्हटले आहे की विशेषतः बांधकाम कामगार, हमाल, सुरक्षा रक्षक, शेतमजूर, ई-कॉमर्स डिलिव्हरी बॉय, उघड्यावर काम करणारे सर्व…
पिंपरी, (महाराष्ट्र ब्रेकिंग न्यूज) – पिंपरी-चिंचवड महानगरपालिकेतील स्वीकृत नगरसेवकांच्या नियुक्तीचा मुद्दा पुन्हा एकदा वादाच्या भोवऱ्यात सापडला असून, आज मंगळवारी पार पडलेल्या सर्वसाधारण सभेत यावर मोठा गदारोळ झाला. स्वीकृत नगरसेवकांच्या नियुक्तीचा विषय पुन्हा एकदा तहकूब ठेवण्यात आल्याने राष्ट्रवादी काँग्रेसच्या नगरसेवकांनी तीव्र संताप व्यक्त केला. सभागृहात हा विषय मांडला जाईल आणि त्यावर निर्णय होईल, अशी अपेक्षा राष्ट्रवादीच्या सदस्यांनी व्यक्त केली होती. मात्र, प्रशासनाकडून हा मुद्दा पुढे ढकलण्यात आल्याने विरोधक आक्रमक झाले. संतप्त नगरसेवकांनी थेट महापौरांच्या आसनापर्यंत जाऊन घोषणाबाजी करत महापौरांना घेराव घातला. काही काळ सभागृहात तणावपूर्ण वातावरण निर्माण झाले. परिस्थिती हाताबाहेर जात असल्याचे पाहता महापौर रवि लांडगे यांनी सभा १५ मिनिटांसाठी तहकूब…
राजगुरुनगर, (महाराष्ट्र ब्रेकिंग न्यूज) “कुंपणच शेत खाऊ लागल्यावर काय होणार?” अशीच परिस्थिती सध्या महावितरणच्या राजगुरुनगर उपविभागात पाहायला मिळत आहे. महावितरणमध्ये बाह्यस्रोत कर्मचारी म्हणून कार्यरत असलेल्या कर्मचाऱ्याने कोणतीही अधिकृत मंजुरी न घेता अनधिकृत वीज वाहिनी उभारून औद्योगिक ग्राहकाला वीज जोडणी दिल्याचा धक्कादायक प्रकार उघडकीस आला आहे. या प्रकरणी सुनील सहदेव मिटकर (रा. शिरोली, ता. खेड) याच्याविरोधात विद्युत कायदा २००३ च्या कलम १३८ अंतर्गत गुन्हा दाखल करण्यात आला आहे. मिळालेल्या माहितीनुसार, लादवड गाव, पिंपरी बुद्रुक (ता. खेड) येथील एका ग्राहकाला महावितरणकडून तात्पुरत्या स्वरूपात वीज जोडणी मंजूर करण्यात आली होती. मात्र संबंधित वीज मीटर बाह्यस्रोत कर्मचारी सुनील मिटकर याने परस्पर एका औद्योगिक ग्राहकाला…
पिंपरी, (महाराष्ट्र ब्रेकिंग न्यूज) – पिंपरी चिंचवड महानगरपालिकेच्या क्रीडा, कला व साहित्य समितीची आढावा बैठक समितीचे सभापती कैलास कुटे यांच्या अध्यक्षतेखाली पिंपरी येथील मुख्य प्रशासकीय भवनातील दिवंगत महापौर मधुकर पवळे सभागृहात पार पडली. या बैठकीत शहरातील क्रीडा, कला व साहित्य क्षेत्राच्या विकासासाठी चार महत्त्वाच्या प्रस्तावांना मान्यता देण्यात आली. तसेच शहराच्या क्रीडा, कला, साहित्य व सांस्कृतिक धोरणांवर सखोल व सकारात्मक चर्चा करण्यात आली. या बैठकीस विरोधी पक्षनेते तथा समिती सदस्य भाऊसाहेब भोईर, शाम जगताप, धर्मपाल तंतरपाळे, तानाजी बारणे,योगेश लांडगे, जितेंद्र ननावरे तसेच उपआयुक्त पंकज पाटील आणि जनसंपर्क अधिकारी प्रफुल्ल पुराणिक उपस्थित होते. बैठकीत शहरातील नागरिक, खेळाडू, कलाकार आणि महिलांच्या सक्षमीकरणासाठी लोकाभिमुख…
पिंपरी, (महाराष्ट्र ब्रेकिंग न्यूज) – पिंपरी-चिंचवड महापालिकेच्या सर्वसाधारण सभेत काळेवाडी पोलीस ठाण्याच्या कार्यपद्धतीवर गंभीर प्रश्न उपस्थित करण्यात आले. नगरसेवक विनोद नढे यांनी एका प्रकरणातील आरोपी व्यक्ती साक्षीदार म्हणून फिरत असल्याचा आरोप करत संबंधित पोलीस निरीक्षकांच्या भूमिकेवर तीव्र नाराजी व्यक्त केली. “ज्या व्यक्तीवर गुन्ह्याचे आरोप आहेत, तीच व्यक्ती साक्षीदार म्हणून फिरत असेल तर कायद्यावरील विश्वास डळमळीत होतो,” असे सांगत नढे यांनी संबंधित PI (पोलीस निरीक्षक) यांची सखोल चौकशी करण्याची मागणी सभागृहात केली. या मुद्द्यावर सभागृहात काही काळ गदारोळाचे वातावरण निर्माण झाले. नागरिकांच्या सुरक्षेशी संबंधित विषयांमध्ये पोलिसांनी निष्पक्षपणे काम करणे आवश्यक असल्याचे मत अनेक सदस्यांनी व्यक्त केले. दरम्यान, या आरोपांमुळे काळेवाडी पोलीस…