“पिंपळे सौदागर हा नंबर वन आहे आणि नंबर वनच राहणार!” — शत्रुघ्न काटेंचा शब्द; प्रभाग २८ मध्ये कोपरा सभांतून विकासाचा एल्गार
पिंपरी, (महाराष्ट्र ब्रेकिंग न्यूज) – पिंपरी-चिंचवड महानगरपालिकेच्या सार्वत्रिक निवडणुकीच्या पार्श्वभूमीवर प्रभाग क्रमांक २८ पिंपळे सौदागर येथे प्रचाराला कमालीचा वेग आला असून, भाजपच्या उमेदवारांनी कोपरा सभांच्या माध्यमातून थेट मतदारांशी संवाद साधत विकासाचा अजेंडा मांडला. याच सभेत भाजप नेते व उमेदवार शत्रुघ्न काटे यांनी आक्रमक शब्दांत मतदारांना साद घालत, “पिंपळे सौदागर हा नंबर एकच राहणार—हा माझा शब्द आहे,” अशी ठाम ग्वाही दिली.
कोपरा सभेत उपस्थित नागरिकांशी संवाद साधताना शत्रुघ्न काटे म्हणाले की, पिंपळे सौदागरचा नियोजनबद्ध विकास, दर्जेदार पायाभूत सुविधा, स्वच्छता, वाहतूक व्यवस्था आणि नागरिकाभिमुख प्रशासन हीच आमची ओळख राहिली आहे. पुढील कार्यकाळात रस्ते, ड्रेनेज, पाणीपुरवठा, उद्याने, आरोग्य व शिक्षण सुविधा अधिक सक्षम करत परिसराचा सर्वांगीण कायापालट केला जाईल, असा विश्वास त्यांनी व्यक्त केला.
या वेळी प्रभाग २८ मधील डॉ. कुंदा भिसे, अनिता संदीप काटे, संदेश काटे या उमेदवारांनीही आपली भूमिका स्पष्ट करत नागरिकांच्या समस्या थेट ऐकून घेतल्या. स्थानिक प्रश्नांवर तत्काळ उपाययोजना, पारदर्शक कारभार आणि सतत लोकांमध्ये राहणारे प्रतिनिधित्व देण्याचे आश्वासन देण्यात आले. “कोपरा सभा म्हणजे केवळ प्रचार नव्हे, तर लोकांच्या अपेक्षा समजून घेण्याचा संवाद,” असे मत उमेदवारांनी मांडले.
सभेला नागरिकांचा उत्स्फूर्त प्रतिसाद लाभला. विकासकामांचा आढावा, भविष्यातील नियोजन आणि प्रभागाला ‘मॉडेल वॉर्ड’ बनवण्याचा संकल्प ऐकून मतदारांमध्ये सकारात्मक वातावरण निर्माण झाले. आगामी निवडणुकीत प्रभाग २८ मध्ये विकासाच्या मुद्द्यावरच लढत ठरणार असल्याचे चित्र या कोपरा सभांमधून स्पष्ट होत आहे.
