प्रणव प्रकाश यादव यांची भारतीय जनता युवा मोर्चा पिंपरी–चिंचवड शहराच्या उपाध्यक्षपदी नियुक्ती
पिंपरी, (महाराष्ट्र ब्रेकिंग न्यूज) – भारतीय जनता युवा मोर्चा पिंपरी–चिंचवड शहराच्या संघटनात्मक बांधणीसाठी करण्यात आलेल्या नव्या नियुक्त्यांमध्ये प्रणव प्रकाश यादव यांची शहर उपाध्यक्ष पदी नियुक्ती करण्यात आली आहे.
या नियुक्तीनिमित्त भाजपा युवा मोर्चा शहराध्यक्ष दिनेश लालचंद यादव आणि भाजपा पिंपरी–चिंचवड शहराध्यक्ष शत्रुघ्न बापू काटे यांच्या हस्ते नियुक्तीपत्र प्रदान करण्यात आले.
या प्रसंगी प्रदेश महामंत्री प्रमोद परदेशी,विधी आघाडीचे अॅड. विशाल डोंगरे, तसेच अॅड. नवनाथ जगताप आदी उपस्थित होते.
पक्षामधील विविध सामाजिक उपक्रम, युवा संपर्क, जनसेवा आणि संघटनात्मक कार्यामध्ये प्रणव यादव यांनी दाखविलेल्या कार्यतत्परतेची दखल घेऊन ही महत्त्वपूर्ण जबाबदारी सोपविण्यात आली असल्याचे पदाधिकाऱ्यांनी सांगितले.
नियुक्तीनंतर प्रतिक्रिया देताना प्रणव यादव म्हणाले—
“पक्ष नेतृत्वाने माझ्यावर दाखविलेला विश्वास ही माझ्यासाठी अभिमानाची बाब आहे. पिंपरी–चिंचवड शहरातील युवकांपर्यंत पक्षाची विचारधारा पोहोचवणे, संघटन वाढवणे आणि जनसेवा हीच माझी प्राधान्ये राहतील.”
या नियुक्तीमुळे शहरातील भाजपा युवा मोर्च्याच्या कार्याला नवी ऊर्जा मिळेल, असा विश्वास पदाधिकारीवर्गाने व्यक्त केला आहे.
प्रणव यादव यांची वैयक्तिक पार्श्वभूमी व कार्य
• श्री प्रणव प्रकाश यादव हे सातारा जिल्ह्यातील वाई येथील मूळ रहिवासी आहेत.
• ते प्रसिद्ध विधिज्ञ अॅडव्होकेट श्री प्रकाश यादव यांचे चिरंजीव आहेत.
• शैक्षणिकदृष्ट्या ते बी.ई. सिव्हिल पदवीधर असून विविध तांत्रिक व प्रशासनिक क्षेत्रातील अनुभव त्यांनी मिळवला आहे.
• ते सामाजिक आश्रम सेवा संस्था येथे सचिव (सेक्रेटरी) म्हणून जबाबदारी अत्यंत उत्कृष्टरीत्या सांभाळत असून अनेक समाजोपयोगी उपक्रमांमध्ये त्यांचे योगदान उल्लेखनीय आहे.
