“महाराष्ट्र राज्य सहकारी संघ निवडणूक 2025 : प्रवीण दरेकर यांच्या पॅनेलमधून पोपट हजारे यांची एनटी प्रवर्गातून उमेदवारी निश्चित”

पिंपरी, (महाराष्ट्र ब्रेकिंग न्यूज) – महाराष्ट्र राज्य सहकारी संघाची निवडणूक 27 जुलै 2025 रोजी पार पडणार असून, संपूर्ण राज्यातून 12 संचालकांची निवड या निवडणुकीतून होणार आहे. ही निवडणूक राज्यातील सहकारी क्षेत्रातील एक महत्त्वाची घटना मानली जात असून, अनेक प्रतिष्ठित सहकारी नेते आणि कार्यकर्त्यांचे लक्ष या निवडणुकीकडे लागले आहे.

या निवडणुकीत श्री. प्रवीण दरेकर, श्री. हिरामण सातकर आणि श्री. कुसाळकर यांचे पॅनेल विशेष लक्ष वेधून घेत आहे. याच पॅनेलमधून एनटी (इतर मागासवर्गीय) प्रवर्गातून टाटा मोटर्स कर्मचारी पतसंस्थेचे विद्यमान संचालक श्री. पोपट हजारे यांनी आपली उमेदवारी अर्ज सादर केली आहे.

श्री. हजारे यांचा उमेदवारी अर्ज छाननी प्रक्रियेतून यशस्वीरित्या पास झाला असून, त्यांची उमेदवारी आता अंतिम करण्यात आली आहे. त्यांचा सहकारी क्षेत्रातील अनुभव आणि कार्यतत्परता लक्षात घेता, त्यांची उमेदवारी अनेकांच्या आकर्षणाचा केंद्रबिंदू बनली आहे.

श्री. पोपट हजारे यांनी सहकार चळवळीत दीर्घकाळ कार्य केले असून, कामगारांच्या हितासाठी आणि पतसंस्थांच्या सुदृढतेसाठी सातत्याने कार्य केले आहे. त्यांच्या या भूमिकेमुळे त्यांना टाटा मोटर्ससह अन्य अनेक सहकारी संस्था आणि घटकांकडून पाठिंबा मिळत असल्याचे दिसून येत आहे.

या निवडणुकीत प्रवीण दरेकर यांच्या नेतृत्वाखालील पॅनेलला राज्यभरातून चांगला प्रतिसाद मिळत असून, श्री. हजारे यांचा सहभाग या पॅनेलच्या ताकदीत भर घालणारा ठरणार आहे, असा अंदाज व्यक्त केला जात आहे.