पुणे, (महाराष्ट्र ब्रेकिंग न्यूज) – पुणे महानगर क्षेत्र विकास प्राधिकरण (PMRDA) मुख्यालय आकुर्डी येथे संविधान दिन उत्साहात साजरा करण्यात आला. यानिमित्त संविधानाच्या प्रस्तावनेचे सामूहिक वाचन करून अधिकारी व कर्मचाऱ्यांनी राष्ट्रनिष्ठा आणि संविधान मूल्यांचे पालन करण्याची शपथ घेतली.
दरवर्षी 26 नोव्हेंबर रोजी संविधान दिन साजरा केला जातो. 1949 साली याच दिवशी भारतीय संविधान स्वीकारण्यात आले होते. त्या पार्श्वभूमीवर पीएमआरडीएत आयोजित कार्यक्रमास सह-आयुक्त (प्रशासन) रूपाली आवले-डंबे यांच्यासह सर्व विभागप्रमुख, अधिकारी व कर्मचारी उपस्थित होते.
या कार्यक्रमात सह-आयुक्त दीप्ती सूर्यवंशी, सह-आयुक्त हिम्मत खराडे, उपायुक्त राजेश माशेरे आदी मान्यवरांचीही प्रमुख उपस्थिती होती. संविधानातील मूल्ये आणि लोकशाही बळकट करण्यासाठी सर्वांनी कटिबद्ध राहण्याचे आवाहन यावेळी करण्यात आले.
