पिंपरी चिंचवड साहित्य मंच* आयोजित
श्रावण शु. प्रतिपदा (२५ जुलै २०२५ ) पासून उपक्रम…….
*”लिहिते व्हा…”*….
मालिकेचे नाव : चरित्रात्मक अभंग
भाग क्रमांक :- ८
वार : बुधवार दिनांक : २४ सप्टेंबर २०२५
प्रस्तुतकर्ता : माधुरी शिवाजी विधाटे
*श्री संत मुक्ताबाई*
मुक्ताई योगिनी | विश्वाची जननी |
मना संजीवनी | देत असे ||
निवृत्ती सोपान | बंधू ज्ञानेशाचा |
विश्व उद्धाराचा | घेई वसा ||
रुसला ज्ञानेश | जेव्हा जगावर |
बोल बोधपर | परिसले ||
अभंग ताटीचे | झरे वात्सल्याचे|
विश्वकल्याणाचे | मार्ग दावी ||
तापलेल्या मनी | उपदेश वाणी |
अमृत शिंपणी | करीतसे ||
शिष्य चांगदेव | योगीराज थोर |
सोडा अहंकार | सांगितले ||
निर्गुण पाळणा | मायेने गाईला |
जोजवी बाळाला | चांगदेवा ||
निवृत्तीच्या संगे | घेता आत्मशोध |
ग्रंथ ज्ञानबोध | निर्मियेला ||
अध्यात्म क्षेत्रात | अधिकार थोर |
नाही अहंकार | तीळमात्र ||
थोर ही मुक्ताई | बोधामृत देई |
मुक्ती तिचे ठायी | लाभतसे ||
माधुरी शिवाजी विधाटे,पुणे
