पिंपरी, (महाराष्ट्र ब्रेकिंग न्यूज) – पिंपरी चिंचवड महानगरपालिका , औद्योगिक प्रशिक्षण संस्था (महिला), कासारवाडी येथे भारतीय संविधान दिन अत्यंत उत्साहाने व आदरपूर्वक साजरा करण्यात आला. भारतीय संविधानाचे महत्व आणि त्यामागील उदात्त विचार प्रशिक्षणार्थीनीं पर्यंत पोहोचवणे हा या आयोजनाचा मुख्य उद्देश होता.
कार्यक्रमाची सुरुवात संस्थेच्या प्राचार्य श्री. सोनवणे ज्योत हस्ते भारतरत्न डॉ. बाबासाहेब आंबेडकर यांच्या प्रतिमेला पुष्पहार अर्पण करून झाली. यानंतर संस्थेच्या प्रशिक्षणार्थी अमृता आरणे हिच्या नेतृत्वाखाली सर्व उपस्थितांनी भारतीय संविधानाच्या उद्देशिकेचे (Preamble) सामूहिक वाचन केले.
प्रशिक्षणार्थी अमृता कागळे हिने यावेळी आपले मनोगत व्यक्त करताना संविधानातील समता, न्याय, स्वातंत्र्य आणि बंधुता या मूलभूत तत्त्वांवर सखोल विचार मांडले. त्यांनी आपल्या ओजस्वी भाषणातून उपस्थितांचे प्रभावी प्रबोधन केले.
• संविधानाने नागरिकांना दिलेल्या मूलभूत हक्क आणि कर्तव्ये यांची जाणीव करून देण्यात आली.
• लोकशाही मूल्यांचे जतन करण्यासाठी संविधानाचे पालन करणे किती महत्त्वाचे आहे, हे सोप्या भाषेत पटवून देण्यात आले.
संविधान दिनाच्या निमित्ताने प्रशिक्षणार्थी प्रिती गायकवाड हिने संविधान गीत (Constitution Song) सादर केले. या गीतामधून भारतीय संविधानाची महती आणि डॉ. बाबासाहेब आंबेडकर यांचे कार्य अत्यंत भावपूर्ण पद्धतीने व्यक्त करण्यात आले. सांस्कृतिक सादरीकरणामुळे वातावरण अधिक उत्साहपूर्ण झाले.
संस्थेचे प्राचार्य सोनवणे ज्योत यांनी आपल्या भाषणात भारतीय संविधानाच्या निर्मितीचा इतिहास आणि त्याचे आजच्या काळात असलेले अपरिमित महत्व स्पष्ट केले. त्यांनी विद्यार्थिनींना उत्तम नागरिक बनून संविधानातील मूल्यांचे पालन करण्याचे आवाहन केले. २६ नोव्हेंबर, २००८ रोजी मुंबईवर झालेल्या भ्याड दहशतवादी हल्ल्याला १७ वर्षे पूर्ण झाली. या काळ्या दिवसाच्या निमित्ताने, कर्तव्य बजावताना हौतात्म्य पत्करलेल्या शूर पोलीस आणि सुरक्षा कर्मचाऱ्यांसह, निष्पाप नागरिकांना देशभरातून भावपूर्ण श्रद्धांजली अर्पण करण्यात आली.
या कार्यक्रमास निदेशक कांबळे सिध्दार्थ, श्रीम. गावंडे बबिता, श्रीम. कुमावणी मनसरा, श्रीम. निलवर्ण सोनाली, कुदळे मोहन, शेख मोईन, श्रीम. पथवे संगिता, श्रीम. लांडे अनघा यांचीही उपस्थिती होती. या आयोजनामुळे प्रशिक्षणार्थींनीना संविधानिक मूल्यांविषयीची जाणीव आणि आदर अधिक दृढ झाला.
