‘गणपती बाप्पा मोरया, पुढच्या वर्षी लवकर या’ अशा जयघोषात चिंचवडमध्ये भावपूर्ण वातावरणात गणरायाला निरोप

चिंचवड येथील चापेकर चौकात महापालिकेच्या वतीने स्वागत कक्ष उभारण्यात आला होता. महापालिकेच्या वतीने परिसरातील विसर्जन घाटांवर अग्निशामक दलाचे कर्मचारी, जीवरक्षक तैनात करण्यात आले होते. यंदाच्या गणेश विसर्जन मिरवणुकीत ढोल-ताशा आणि झांज पथकाच्या दणदणाटासह बहुतांशी मंडळांनी ‘डीजे’चाही वापर केला. अनेक मंडळांच्या मिरवणुकीत डीजेच्या दणदणाटावर कार्यकर्ते नृत्याचा आनंद घेत होते. रात्री उशिरापर्यंत परिसरातील गणेश मंडळांची विसर्जन मिरवणूक सुरू होती.