न्यू सिटी प्राईड इंग्लिश मिडियम स्कूल मध्ये ‘ज्ञानज्योति’सावित्रीबाई फुले यांना अभिवादन
पिंपरी, (महाराष्ट्र ब्रेकिंग न्यूज) – न्यू सिटी प्राईड इंग्लिश मिडियम स्कूल मध्ये ‘ज्ञानज्योति’सावित्रीबाई फुले यांना अभिवादन करण्यात आले.
क्रांतिसूर्य महात्मा ज्योतिबा फुले एज्युकेशन फाउंडेशन संचालित न्यू सिटी प्राईड इंग्लिश मिडीयम स्कूलमध्ये सावित्रीबाई फुले यांच्या जयंतीनिमित्त अभिवादन केले.
यावेळी संस्थेचे संस्थापक अरुण चाबुकस्वार, प्रमुख पाहुणे विकास रंधावे (सरपंच दौंड), तात्या शिनगारे (सामाजिक कार्यकर्ता), रोहिणी साबळे , मंजु चौधरी , मुख्याध्यापिका नाझनीन शेख, उपमुख्याध्यापक सचिन कळसाईत, फहाद खान, शिक्षक व शिक्षकेत्तर कर्मचारी उपस्थित होते.प्रमुख पाहुण्यांच्या हस्ते सावित्रीबाईंच्या प्रतिमेचे पूजन करण्यात आले.शाळेतील मुलींना गुलाब पुष्प देऊन त्यांचा सावित्रीच्या लेकी म्हणून सन्मान करण्यात आला. राहुल चौधरी, स्वराली शिंदे या विद्यार्थ्यांनी सावित्रीबाई यांच्याबद्दल आपल्या भाषणातून माहिती सांगितली. आराध्या घोडके या विद्यार्थिनीने ‘मी सावित्री बोलते’ ही एकांकी सादर केली. सावित्रीबाई फुले यांच्या जयंतीनिमित्त निबंध स्पर्धेचे आयोजन करण्यात आले. कार्यक्रमाचे सूत्रसंचालन जयश्री घोलप व उर्मिला ठोंबरे यांनी आभार मानले.
