पिंपरी, (महाराष्ट्र ब्रेकिंग न्यूज)- पिंपरी-चिंचवड शहरातील पवनानगर परिसरातील प्रलंबित आरक्षणाचा प्रश्न अखेर मार्गी लागला असून, संबंधित आरक्षण उठवण्यास प्रशासनाने मंजुरी दिली आहे. या निर्णयामागे आमदार शंकरभाऊ जगताप यांच्या नेतृत्वाखालील सातत्यपूर्ण पाठपुरावा महत्त्वाचा ठरला आहे.
पवनानगरमधील आरक्षणामुळे स्थानिक नागरिकांना बांधकाम, विकास आणि मालमत्ता व्यवहारांमध्ये अनेक अडचणींचा सामना करावा लागत होता. नागरिकांच्या या समस्यांची दखल घेत आमदार जगताप यांनी महापालिका व प्रशासनाकडे वारंवार पाठपुरावा केला. यासोबतच नगरसेवक विनोद नढे यांनी मांडलेल्या उपसूचनेलाही मंजुरी मिळाल्याने हा प्रश्न अधिक वेगाने सुटण्यास मदत झाली.
महापालिकेच्या बैठकीत या विषयावर सकारात्मक निर्णय घेत आरक्षण उठवण्यास अधिकृत मान्यता देण्यात आली. यामुळे पवनानगर परिसरातील नागरिकांना मोठा दिलासा मिळणार असून, भविष्यातील विकासकामांना गती मिळण्याची अपेक्षा व्यक्त केली जात आहे.
या निर्णयानंतर स्थानिक नागरिकांनी समाधान व्यक्त करत संबंधित लोकप्रतिनिधींचे आभार मानले आहेत.
पिंपरी-चिंचवड शहराच्या विकासासाठी भाजपच्या नेतृत्वाखाली घेतलेले हे पाऊल महत्त्वपूर्ण असल्याचे मतही नागरिकांकडून व्यक्त होत आहे. तसेच काळेवाडी परिसराच्या विकासासाठी नगरसेवक विनोद नढे यांची भूमिका निर्णायक ठरत असल्याचेही अधोरेखित झाले आहे. पवनानगर आरक्षण उठवण्याच्या निर्णयामुळे शहराच्या नियोजनबद्ध विकासाला चालना मिळणार असून, स्थानिकांच्या दीर्घकालीन समस्येला अखेर समाधानकारक तोडगा मिळाला आहे.
