पिंपरी, (महाराष्ट्र ब्रेकिंग न्यूज) – पिंपरी-चिंचवड महापालिका निवडणुकीच्या तयारीला वेग आला असून प्रभाग क्रमांक 28 मधून भाजपचे इच्छुक संदेश काटे यांनी आज अधिकृतरित्या उमेदवारी अर्ज सादर केला. शहराध्यक्ष शत्रुघ्न काटे यांच्या उपस्थितीत हा अर्ज सुपूर्त करण्यात आला.
भाजप शहर कार्यालयात पार पडलेल्या या कार्यक्रमाला कार्यकर्त्यांची उपस्थिती दिसून आली. दस्तावेज स्वीकृत करताना शहराध्यक्षांनी आगामी निवडणुकीत पक्ष संघटना अधिक बळकट करण्यासाठी सक्षम उमेदवारांची निवड महत्वाची असल्याचे सांगितले.
संदेश काटे यांनी स्थानिक प्रश्नांवर लक्ष केंद्रित करत नागरिकांच्या अपेक्षांची पूर्तता करण्यासाठी प्रभागात प्रभावी काम करण्याचा निर्धार यावेळी व्यक्त केला. स्वच्छता, वाहतूक, पायाभूत सुविधा आणि नागरिकांच्या दैनंदिन अडचणी सोडवण्यावर आपले प्राधान्य असेल, असेही त्यांनी सांगितले.
भाजपच्या उमेदवारी प्रक्रियेला आता गती मिळत असून प्रभाग 28 मधील स्पर्धा रंगतदार होण्याची शक्यता व्यक्त केली जात आहे.
