पिंपरी, (महाराष्ट्र ब्रेकिंग न्यूज) – डॉ. डी. वाय. पाटील (अभिमत) विद्यापीठ, (डीपीयु) पिंपरी येथे शिक्षक दिन सोहळात विविध पुरस्कारांचे वितरण याद्वारे आदर्श अध्यापनाचा हा गौरव समारंभ उत्साहात संपन्न झाला’
या कार्यक्रमाला प्रमुख पाहुणे म्हणून मा. डॉ. सौम्या स्वामीनाथन – अध्यक्षा, एम. एस. स्वामीनाथन रिसर्च फाउंडेशन, प्रमुख सल्लागार, राष्ट्रीय क्षयरोग निर्मूलन कार्यक्रम (एनटीईपी), आरोग्य आणि कुटुंब कल्याण मंत्रालय, भारत सरकार, माजी मुख्य शास्त्रज्ञ, जागतिक आरोग्य संघटना (डब्ल्यूएचओ), माजी महासंचालक, भारतीय वैद्यकीय संशोधन परिषद (आयसीएमआर) उपस्थित होते.
या समारंभामध्ये डॉ. डी. वाय. पाटील विद्यापीठ (डीपीयु) पिंपरी, पुणेचे प्र कुलगुरू मा. डॉ स्मिता जाधव, कुलगुरू मा. डॉ. एन. जे. पवार आणि डॉ. डी. वाय. पाटील विद्यापीठ सोसायटी, पुणे चे विश्वस्त व खजिनदार मा. डॉ. यशराज पाटील उपस्थित होते.
शिक्षक दिनानिमित्त विद्यापीठाअंतर्गत विविध विद्याशाखेतील पुरस्कारर्थीं मध्ये “संशोधन पुरस्कार” – डॉ स्वाती शर्मा, “डॉ. पी. डी. पाटील – तरुण संशोधक पुरस्कार”- डॉ शाजीद मुखीडा, “निरंतर कामगिरी पुरस्कार”- डॉ सौम्या बसू , नाविन्यपूर्ण अध्यापन पुरस्कार,- डॉ.भूषण आर. भगत आणि “राज्य, राष्ट्रीय व आंतरराष्ट्रीय पुरस्कार मिळालेल्या ४१ प्राध्यापकांचा सत्कार” करण्यात आला.
या कार्यक्रमात वरिष्ठ मान्यवरांच्या उपस्थितीत डॉ. सौम्या स्वामीनाथन यांच्या व्यक्तिचरित्रावर आधारित पुस्तक “अॅट द व्हील ऑफ रिसर्च” या पुस्तकाचे प्रकाशन करण्यात आले.
डॉ. डी. वाय. पाटील विद्यापीठ (डीपीयु) पिंपरी, पुणेचे कुलपती मा. डॉ. पी. डी. पाटील, प्र-कुलपती मा. डॉ. भाग्यश्री पी. पाटील आणि डॉ. डी. वाय. पाटील ज्ञान प्रसाद विद्यापीठ, पिंपरी, पुणे चे प्र-कुलपती मा. डॉ. सोमनाथ पाटील यांनी सर्व पुरस्कारार्थींचे अभिनंदन केले आणि शुभेच्छा दिल्या.
डॉ. सौम्या स्वामीनाथन म्हणाल्या, “मी आपल्या कॉलेजच्या पायाभूत सुविधा आणि सुसज्ज कौशल्य प्रयोगशाळांमुळे खरोखर प्रभावित झाले आहे. शिक्षक म्हणून, आपण सर्व जाणतो की तंत्रज्ञान शिकवण्यास मदत करू शकते, परंतु मानवी अस्तित्वाची जागा घेऊ शकत नाही. कोणताही संगणक किंवा मशीन उत्कटता, करुणा किंवा सहानुभूती व्यक्त करू शकत नाही. तसेच, ते विद्यार्थ्यांना खऱ्या अर्थाने प्रेरित करू शकत नाहीत. ते तथ्ये सादर करू शकतात आणि सर्जनशीलतेचे अनुकरण देखील करू शकतात, परंतु मानवी सर्जनशीलता आणि कल्पकता वास्तविक जीवनातील अनुभव आणि भावनांमध्ये खोलवर रुजलेली असते. मानवी मनच मूल्ये, नैतिकता आणि उद्देशाच्या भावनेने प्रेरित होऊन, गुंतागुंतीच्या समस्या सोडवण्याचा प्रयत्न करते. तत्त्वे आणि मूल्ये केवळ शिक्षकच विद्यार्थ्यांमध्ये रुजवू शकतात. म्हणूनच, शिक्षकांना पर्याय नाही. दूरदृष्टी आणि वचनबद्धता असलेले व्यक्तीच महान संस्था निर्माण करू शकतात. DPU मध्ये संशोधनावर असलेला भर पाहून मला आनंद झाला आणि अर्थपूर्ण प्रकल्पांमध्ये सक्रिय असलेल्या संशोधकांशी संवाद साधून मला खूप आनंद झाला. इतर विद्यापीठांशी असलेले सहकार्य आणि समर्पित संशोधन युनिट्सची स्थापना पाहून खूप छान वाटले.”
मा.डॉ. स्मिता जाधव, प्र-कुलगुरू, डॉ. डी. वाय. पाटील विद्यापीठ, पिंपरी, पुणे म्हणाल्या,
असे म्हटले जाते की ज्ञान हे अगणिक आहे पण या ज्ञानला दिशा देणारे आणि आपल्या कौशल्याला धार देणारे कोण असेल तर ते म्हणजे आपले शिक्षक.” शिक्षक केवळ तथ्य शिकवत नाहीत – ते तरुण मनामध्ये प्रेरणेची ज्योत प्रज्वलित करतात आणि स्वप्नांची उभारणी करतात. म्हणूनच आपण त्यांचा आज गौरव करतो. आपल्या परंपरेत गुरु यांना भविष्य घडवणारा, पालनकर्ता आणि अज्ञान नष्ट करणारे मानले गेले आहे. भारताने नेहमीच शिक्षकांना सर्वोच्च सन्मान दिला आहे आणि पुढील पिढीही हा सन्मान पुढे नेईल अशीच आपली अपेक्षा आहे.
आपले शिक्षक अनेक भूमिका पार पाडतात – ते आईसारखे असतात जे मुलांसाठी रात्री झोप न घेता परिश्रम करतात, ते रक्षणकर्ते व मार्गदर्शक असतात जे महत्त्वाकांक्षा घडवतात, आणि कधी कधी ते गुगलसारखेच असतात – ज्यांच्याकडे अमर्याद संयम आणि उत्तरे असतात. आपल्या शहाणपणाने आणि करुणेने ते प्रत्येकाच्या आयुष्याला स्पर्श करतात आणि ज्या आयुष्याला ते स्पर्श करतात, त्या प्रत्येक आयुष्याचा भविष्यास आकार देतात.”
डॉ. यशराज पाटील, विश्वस्त आणि खजिनदार म्हणाले, “शिक्षक हे ज्ञानाचे रक्षक आणि प्रगतीचे मशालवाहक आहेत. डॉ. डी. वाय. पाटील विद्यापीठात, पिंपरी, पुणे येथे, त्यांच्या समर्पण आणि नवनवीन कार्याचा सन्मान करताना आम्हाला खूप अभिमान वाटतो. हा सोहळा केवळ त्यांच्या अथक प्रयत्नांचा व यशस्वीतेचा सन्मान आहे. यामधूनच शिक्षण, संशोधन आणि करुणा वृद्धिंगत होईल असे वातावरण निर्माण करण्याच्या आमच्या वचनबद्धतेची ही दखल आहे.”
हा कार्यक्रम डॉ डी वाय पाटील विद्यापीठ सभागृहामध्ये पार पडला यावेळी व्यासपीठावर, विद्यापीठाचे कुलसचिव, डॉ जे एस भवाळकर, डॉ ए एन सूर्यकर – संचालक प्रशासकीय विभाग डीपीयू, डॉ. वत्सला स्वामी संचालिका आयक्यूएसी, डॉ ए रेखा अधिष्ठाता वैद्यकीय महाविद्यालय, डॉ. एस के रॉय चौधरी अधिष्ठाता दंत महाविद्यालय आदी मान्यवर उपस्थित होते.
