अमृतमहोत्सवानिमित डॉ. श्रीपाल सबनीस यांचा सत्कार आणि प्रकट मुलाखत
पिंपरी (महाराष्ट्र ब्रेकिंग न्यूज ) – प्रसिद्ध साहित्यिक व विचारवंत डॉ. श्रीपाल सबनीस यांच्या अमृतमहोत्सवी वर्षानिमित्त संत तुकारामनगर येथील सोहम् सार्वजनिक ग्रंथालयाच्या वतीने त्यांचा विशेष सत्कार व प्रकट मुलाखतीचे आयोजन करण्यात आले आहे.
संतसाहित्याचे अभ्यासक, आळंदी देवस्थानचे माजी प्रमुख विश्वस्त डॉ. शिवाजीराव मोहिते आणि महाराष्ट्र कामगार साहित्य परिषदेचे अध्यक्ष पुरुषोत्तम सदाफुले यांच्या हस्ते सत्कार करण्यात येणार आहे; तसेच लेखक श्रीकांत चौगुले हे प्रकट मुलाखत घेणार असून, सदरचा कार्यक्रम ग्रंथालयाच्या सभागृहात बुधवार, दिनांक १५ जानेवारी २०२५ रोजी दुपारी चार वाजता होणार असल्याचे संस्थेचे अध्यक्ष जगन्नाथ नेरकर यांनी सांगितले.
