पिंपरी, (महाराष्ट्र ब्रेकिंग न्यूज) – रयत शिक्षण संस्थेच्या कन्या विद्यालय पिंपरी वाघेरे या शाळेत आज आंतरराष्ट्रीय योग दिन संपन्न झाला.
“योग: कर्मसु कौशलम्” या उक्तीनुसार विद्यार्थीनींचे शारीरिक व मानसिक आरोग्य जपण्यासाठी योग शास्त्रातील आसने व प्राणायाम आवश्यक आहे. यासाठी भारतीय योग संस्था पिंपरी शाखा यांच्या वतीने संजीवनी देशमुख , प्रमिला रासकर, मंगला शेगांवकर, व इतर सदस्य मार्गदर्शक म्हणून विद्यालयात उपस्थित होते.
कार्यक्रमाच्या सुरुवातीला विद्यालयाच्या आदरणीय प्रभारी मुख्याध्यापिका उर्मिला पाटील व भारतीय योग संस्था पिंपरी शाखेच्या प्रमुख संजीवनी देशमुख व इतर अतिथीगण यांचे हस्ते सरस्वती पूजन व दीपप्रज्वलन संपन्न झाले .यानंतर विद्यालयाच्या प्रभारी मुख्याध्यापिका मा. सौ उर्मिला पाटील यांनी जीवनात योग शास्त्राचा अवलंब केल्याने शरीर व मन निरोगी राहते व ध्यानधारणा केल्याने ग्रहण क्षमता वृद्धिंगत होते असे मनोगत व्यक्त केले .
यानंतर पिंपरी शाखेचे गटप्रमुख संजीवनी देशमुख , सदस्य प्रमिला रासकर व इतर सदस्य यांनी विद्यार्थ्यांनी चे अनुलोम विलोम , कपालभाती, भस्त्रिका, या एकाग्रता साधणाऱ्या प्राणायाम प्रकाराबरोबरच पद्मासन, धनुरासन, भुजंगासन, मत्स्यासन ताडासन इत्यादी आसनांचे प्रात्यक्षिक सराव घेतला . यानंतर भारतीय योग संस्थेच्या गट प्रमुख संजीवनी देशमुख यांनी विद्यार्थी जीवनात योग शास्त्र व निरामय आरोग्य याविषयी माहिती दिली. यावेळी भारतीय योग संस्थेचे प्रमिला रासकर मंगला शेगावकर, आरती मानकर , अश्विनी दवनी, मीना कदम, पार्वती जोशी, अश्विनी कोंढाळकर, सुजाता इंगळे, जयश्री बानेकर , इत्यादी योग शिक्षिका व सर्व अध्यापकवृंद व शिक्षकेतर कर्मचारी वृंद उपस्थित होते .
कार्यक्रमाचे सूत्रसंचालन योग शिक्षिका सौ प्रमिला रासकर यांनी केले. व उपशिक्षिका सौ रंजना धामणे यांनी सर्व उपस्थितांचे आभार व्यक्त करून कार्यक्रम संपन्न झाला.
