‘एमआयटी एडीटी’ स्कुल ऑफ फुड टेक्नॉलॉजीच्या वाडेबोल्हाई ग्राम दत्तक योजनेची सांगता

पुणे, (महाराष्ट्र ब्रेकिंग न्यूज) – शेतकरी हा खऱ्या अर्थाने जगाचा अन्नदाता आहे. हा बळीराजा जगला तरच आपण सर्वजन जगू शकतो. परंतु परिस्थितीनुरूप पारंपरिक शेतीत बदल न केल्यामुळे शेतकरी आता मागास होत चालला आहे. अवकाळी पाऊस व त्यामुळे हातातोंडाशी आलेल्या पिकांचे झालेल्या नुकसानातून आलेल्या कर्जबाजारीपणामुळे बळीराजा आत्महत्येसारखे टोकाचे पाऊल उचलतो. त्यामुळे शेतकऱ्यांसाठी खरंच काही करायचे असेल तर शेतीआधी शेतकरी समजून घ्यावा लागेल, असे प्रतिपादन हवेली विभागाचे कृषीअधिकारी गणेश सुरवसे यांनी व्यक्त केले.