इंदिरा कॉलेज ऑफ इंजिनिअरिंग अँड मॅनेजमेंटमध्ये “नेक्स्टजेन टेक्नोलॉजी अँड आर्टिफिशियल इंटेलिजन्स फॉर अ सस्टेनेबल फ्यूचर” या विषयावर पहिले आंतरराष्ट्रीय परिषदेचे यशस्वी आयोजन

पिंपरी, (महाराष्ट्र ब्रेकिंग न्यूज) – इंदिरा कॉलेज ऑफ इंजिनिअरिंग अँड मॅनेजमेंट (ICEM) तर्फे “नेक्स्टजेन टेक्नोलॉजी अँड आर्टिफिशियल इंटेलिजन्स फॉर अ सस्टेनेबल फ्यूचर (NTAI-2025)” या विषयावर १२ व १३ एप्रिल २०२५ रोजी पहिल्या आंतरराष्ट्रीय परिषदेचे यशस्वी आयोजन करण्यात आले. या परिषदेसाठी एकूण ३४५ संशोधन प्रबंध प्राप्त झाले होते. त्यापैकी ११६ संशोधन प्रबंधांचे सादरीकरण करण्यात आले. हे सादरीकरण १६ समांतर सत्रांमध्ये, हायब्रिड पद्धतीने पार पडले. या परिषदेमध्ये देश-विदेशातील तज्ज्ञ, संशोधक, उद्योगतज्ज्ञ व विद्यार्थी मोठ्या संख्येने सहभागी झाले होते.

या सोहळ्याचे प्रमुख आकर्षण म्हणजे नवीन बहुउद्देशीय सभागृहाचे उद्घाटन, जे इंदिरा युनिव्हर्सिटीच्या अध्यक्षपदाच्या मनोनीत डॉ. तरीता शंकर, मुख्य सल्लागार व अध्यक्षा, इंदिरा ग्रुप ऑफ इन्स्टिट्यूट्स, यांच्या हस्ते पार पडले. त्यांच्या सोबत प्रो. चेतन वाकळकर, ग्रुप अ‍ॅडव्हायझर, IGI व ट्रस्टीस IGI यांचीही उपस्थिती होती. या परिषदेचे शास्त्रीय महत्त्व तीन प्रमुख कीनोट व्याख्यानांमधून अधोरेखित झाले. या व्याख्यानांसाठी आमंत्रित वक्ते होते: प्रो. डाटो शामला सुब्रमणियम, प्राध्यापक व अधिष्ठाता, युनिव्हर्सिटी पुत्रा मलेशिया; गजेंद्रन रविंद्रन (GR), कॉर्पोरेट उपाध्यक्ष – WNS; आणि कृष्णकुमार सुंदरम, उपाध्यक्ष, कॉर्पोरेट स्ट्रॅटेजी, केइसोकू इंजिनिअरिंग सिस्टम्स, टोकियो, जपान.

या परिषदेच्या यशस्वी आयोजनासाठी प्राचार्य डॉ. निलेश उके (परिषदाध्यक्ष), डॉ. पूर्णा शंकर (आयोजक अध्यक्षा), डॉ. सौमित्र दास (तांत्रिक प्रमुख) आणि संपूर्ण ICEM संघ यांनी अथक परिश्रम घेतले. ही परिषद संशोधन, आंतरराष्ट्रीय सहयोग व शाश्वत तंत्रज्ञानाच्या दिशेने एक महत्त्वपूर्ण पाऊल ठरली आहे. ICEM च्या शैक्षणिक आणि संशोधनात्मक नेतृत्वासाठी ही एक महत्वपूर्ण कामगिरी ठरली आहे.