सुमारे दोन तास रात्री उशिरा श्रींचे सोहळ्याची सांगता
आळंदी ( महाराष्ट्र ब्रेकिंग न्यूज ) – संत ज्ञानेश्वर महाराज यांचे ७२९ व्या संजीवन समाधी दिन सोहळ्या अंतर्गत आळंदी कार्तिकी वारीची सांगता श्रींचे पालखी छबिना मिरवणुकीने हरिनाम गजरात सुमारे दोन तास रात्री उशिरा श्रींचे सोहळ्याची सांगता झाली. देवस्थान तर्फे मानकरी यांना नारळ प्रसाद वाटप व आळंदी ग्रामस्थांना तर्फे महाप्रसाद, दूध प्रसाद वाटप उत्साहात करण्यात आले. हजारो भाविक यावेळी उपस्थित होते.
या प्रसंगी श्री ज्ञानेश्वर महाराज संस्थान कमेटीचे प्रमुख विश्वस्त अँड. राजेंद्र उमाप, विश्वस्त योगी निरंजन नाथसाहेब, विश्वस्त डॉ. भावार्थ देखणे, पालखी सोहळ्याचे मालक ऋषिकेश आरफळकर, माऊली महाराज जळगावकर, रोहण शिंदे, व्यवस्थापक ज्ञानेश्वर वीर, उपव्यवस्थापक तुकाराम माने, श्रीधर सरनाईक, मानकरी माजी नगराध्यक्ष राहुल चिताळकर, साहिल कुऱ्हाडे, योगीराज कुऱ्हाडे, योगेश सुरू, खांदेकरी, सेवक रामभाऊ रंधवे, बाळासाहेब रणदिवे, स्वप्नील कुऱ्हाडे, ज्ञानेश्वर पोंदे, बल्लाळेश्वर वाघमारे, विनायक घुंडरे, सचिन कु-हाडे, प्रियेश रानवडे, महेश केदारी,लेखन घाडगे, विनायक घुंडरे, कचदेव कुऱ्हाडे, वरिष्ठ पोलीस निरीक्षक भीमा नरके, पोलिस नाईक मच्छिंद्र शेंडे, पुजारी अमोल गांधी, यशोदीप जोशी, श्रींचे सेवक पुजारी, कर्मचारी, सुरक्षा रक्षक अधिकारी, कर्मचारी, मानकरी, वारकरी, भाविक तसेच आळंदीकर ग्रामस्थ उपस्थित होते.
सांगता दिनी श्रींचे पहाट पूजेत पवमान अभिषेक व दुधारती नंतर भाविकांचे महापूजा व दर्शनास श्रींचा गाभारा खुला करण्यात आला. दुपारी परंपरेने नैवेद्यास श्रींचे दर्शन बंद ठेवण्यात आले.महानैवेद्या नंतर भाविकांना संजीवन समाधी दर्शनास गाभारा खुला झाला. संतोष मोझे सरकार यांचे तर्फे विना मंडपात कीर्तन सेवा झाली. यास भाविकांनी गर्दी केली. परंपरेने माऊलींचे पालखीची नगरप्रदक्षिणा हरिनाम गजरात झाली. मानकरी, फडकरी यांना नारळ प्रसाद व समाधी दर्शन होवून यात्रेची सांगता झाली. मंदिरात दही हंडी काल्याचे कीर्तन सेवा उत्साहात झाली.
श्रींचे छबिना ग्राम प्रदक्षिणा मिरवणूक हरिनाम गजरात हजारो भाविकांचे उपस्थितीत रात्री दीड तास उशिरा झाली. ग्राम प्रदक्षिणा मार्गावर ठीक ठिकाणी रस्त्याचे दुतर्फ़ा तसेच चौका चौकात उभे राहून छबिना मिरवणुकीत श्रींचे वैभवी पालखीत दर्शन घेतले. यावेळी सुमारे एक तास श्री भैरवनाथ चौकात श्रींच्या छबिना मिरवणूक टाळ, वीणा, मृदुंगाचे त्रिनादात ज्ञानोबा माउली नामजयघोषात ज्ञानभक्तीमय उत्साहात सुरु होता. फटाक्यांचे दणदणाटात श्रींचे ७२९ व्या संजीवन समाधी दिन सोहळ्याची सांगता रात्री उशिरा झाली. सुमारे दीड तास सोहळ्याची सांगता मिरवणूक उशिरा झाली. आळंदी ग्रामस्थांचे वतीने महाप्रसाद व मसाला दूध वाटप करण्यात आले. मात्र छबिना मिरवणुकीस सुमारे दीड तास उशीर झाला. श्रींची आरती रात्री दीड वाजता झाली. यावेळी परंपरेने देवस्थान तर्फे मानकरी यांना नारळ प्रसाद वाटप झाले. महाप्रसाद वाटपाने श्रींचे संजीवन समाधी सोहळ्याची सांगता हरिनाम गजरात रात्री दीड वाजता उशिरा झाली. रात्री दोन वाजता महाप्रसाद वाटप झाले. कमी वेळेत जास्तीत जास्त भाविकांना सुलभ दर्शनाचे व्यवस्थेचे नियोजन करण्यात आल्याचे व्यवस्थापक माऊली वीर यांनी सांगितले. या मुळे भाविकांनी समाधान व्यक्त केले.
श्री पांडुरंगराय, श्री नामदेवराय व श्री पुंडलिकराय पादुका पालखी सोहळ्याचे श्री क्षेत्र आळंदी येथून प्रथा परंपरांचे पालन करीत हरिनाम गजरात पंढरीकडे सोहळे मार्गस्थ झाले. कैवल्य साम्राज्य ज्ञानचक्रवर्ती श्री संत ज्ञानेश्वर माऊलींच्या संजीवन समाधी सोहळ्यासाठी श्री क्षेत्र पंढरपूरहून श्री पांडुरंगराय, श्री नामदेवराय व श्री भक्त पुंडलिकराय पादुका पालखी भाविक, भक्तांसह सोहळे आळंदीत आले होते. श्रींचा छबिना मिरवणुकीने आळंदीत फटाक्यांचे आतिषबाजीसह हरिनाम गजरात ७२९ व्या संजीवन समाधी दिन सोहळ्याची सांगता झाली. स्वकाम सेवा मंडळाच्या वतीने अध्यक्ष सुनील तापकिर, महिला विभाग अध्यक्षा आशा तापकीर, पिराजी नेवासे महाराज यांचे मार्गदशनात मंदिर परिसरात स्वच्छता विषयक कामकाज करण्यात आले. आळंदी नगरपरिषदेचे वतीने मुख्याधिकारी कैलास केंद्रे यांनी नागरी सेवा सुविधांसाठी विशेष परिश्रम घेतले. यावर्षी वीज महावितरण चे विशेष सहकार्याने रथोत्सवास शोभा आली.
दर्शन रांगेत भाविकांना मोफत प्रसाद सेवा
माऊली देवस्थानच्या वतीने कार्तिकी यात्रा काळात दर्शनबारीचे रांगेतील भाविकांना मोफत खिचडी प्रसाद वाटप सेवा देण्यात आली. पिण्याचे शुद्ध पाणी वाटप सेवा करण्यात आली.
